Hyderabad. Qaumi Tehqiqati Agency “National Investigation Agency (NIA)” ne dehshat gardi ki sar garmion mein mulawis honay ke ilzaam mein 24 sala Mohammad Abdullah Basit saakin Hafiz Baba Nagar aur 19 sala naujawan Abdul Quadeer saakin Shah Hills, Shaheen Nagar, Hyderabad ko girftar karliya hai. NIA ne un do naujawanon ki giraftari ki tauseeq kar di hai. Iss khusoos mein NIA ke jari kardah press note mein bataya gaya hai ke Agency ne 28th January 2016 ko Police Station NIA, New Delhi mein aik muqadma Sheikh Azher ul Islam, Mohammad Farhan Sheikh aur Adnan Hasn aur un ke naamaloom sathiyon ke khilaaf ISIS s se taluqaat rakhnay aur ISIS s ki taraf se Hindustani Muslim naujawanon ki nishandahi karne, targheeb dainay, intahaa pasand bananay, taqarrur karne aur tarbiyat dainay ke ilzamaat par taazirat e Hind ki dafaa 120B aur qanoon insidaad ghair qanooni sargarmian 1967 ki daf-aat 18, 18A & 18B ke tehat aik muqadma darj kya gaya tha. NIA ne tehqiqaat ki takmeel par 25 July 2016 ko chargesheet paish kar di thi. Trial ke douran do mulzimeen Azhar ul Islam aur Mohammad Farhan Sheikh ko qusoor waar pakar 7 saal ki qaid ki saza di gayi jabkay Adnan Hasan ke khilaaf trayil jari hai. NIA ke bamawajib deegar mulzimeen ke khilaaf mazeed tehqiqaat jari theen, mazeed tehqiqaat mein yeh inkishaaf huwa ke Hyderabad ka saakin Abdullah Basit jo Adnan Hasan se rabita mein raha tha woh aur is ke kuch saathi mustaqil aik dosray se rabita mein thay aur ISIS s ki sargarmion ko hndstan mein phelanay saazish kar rahay thay. Iss silsila mein 6th August ko Hyderabad ke 7 muqamat par chaapay maaray gay aur jurm mein mulawis honay ke kaseer shawahid dastyab hue. Zabt shuda ashya ko si f s ail Hyderabad ko jaanch ke liye bhaij diya gaya hai. Ab tak ki gayi ibtidayi pooch gach par yeh baat samnay aayi hai ke Mohammad Abdul Qadeer aur deegar saathi Hindstan mein dehshat grdanh sargarmia anjaam dainay ka iradah rakhtay thay.