Hyderabad. Qaumi Tehqiqati Agency National Investigation Agency ( nia ) ne dehshat gardi ki sar garmion mein mulawis honay ke ilzaam mein Shah Hills, Shaheen Nagar, Hyderabad ke aik 19 sala naujawan Abdul Qadeer ko hirasat mein le liya hai. Yaad rahay ke NIA ki aik khusoosi team jo Delhi se January 2016 mein Agency ki janib se darj aik case ki tehqiqaat ke ziman mein yhan aayi hui thi, 6th August ko Abdul Qadeer ke makaan waqay Shah Hills, shaheen nagar mein chhapa mara tha aur Abdul Qadeer sameit ghar ke afraad se din bhar pooch gach ki thi. Ghar ki talashi ke dauran NIA ke ohdedaron ne kuch ashya zabt ki theen jin ke baaray mein khayaal kya jata hai ke woh dehshat grdanah sargarmion ko anjaam dainay istemaal hoti hain. Agency ne ghar se kuch qabil aitraaz mawaad bhi zabt kya tha. NIA ne is naujawan se musalsal 5 dinon tak apni tafteesh jari rakhi. Unhen din bhar Agency ke Branch Office waqay Begumpet par rozana talab kya jata raha tha aur din bhar tafteesh karne ke baad dosray din dobarah daftar pounchanay ki Hadayat ke sath wapas lota diya jata tha taham hafta 11th August ko usay ghar jaaney ki ijazat nahi di gayi aur un ke waalid se kaha gaya ke woh tanha wapas lout jayen. Maloom huwa hai ke aaj subah Abdul Qadeer ke ghar walon ko agency ke ahdidaro n ne ittila di ke un ke bacha ko hirasat mein le liya gaya hai. Samjha jata hai ke peer ko kal NIA ki khusoosi adalat mein paish kya jaye ga. Abhi tak Agency ki janib se is naujawan ko giraftar karliye jaaney ki ittila nahi di gayi hai aur na hi yeh maaloom ho saka hai ke sirf Abdul Qadeer ko hi hirasat mein le liya gaya hai ya phir dosray nojawanon ko bhi hirasat mein le liya gaya hai. samjha ja raha tha ke NIA ne hyderabad mein camp ke douran 5 dinon tak apni tehqiqaat ko samaitt diya hai aur kisi bhi waqt hyderabad mein ki gayi karwaiyon ke baaray mein media ko aagah kere gi.