Nellore: Ek muthayurkun waqea mein aik naujawan khatoon Nellore police se rujoo hotay hue shikayat ki ke RTC ke aik driver ne usay dhamki di hai ke agar woh usay mubashrat karne na dey to woh is ke bhai ko jaan se maar daaley ga. Ladki jo Nellore town ke Pallemkondia ilaqa mein rehti hai kaha ke RTC bus driver Sheikh Hussain ne is ke ghar ke bahar park ki gayi bike ko bhi jala diya tha. Ladki ke mutabiq jab woh intermediate ki taleem parahi thi us ki dosti bus Driver se hogayi, taham is ke walidain ko is ki bhanak lag gayi aur unhon ne is se doori Ekhtiyar karne ka intibah diya tab se ladki apne ghar par hi rah rahi hai, taham driver is ko tang kar raha hai ke is ke sath jismani taluqaat qaim kere basorat deegar woh is ke bhai ka qatal karde ga. Ladki ki shikayat par Police ne aik muqadma darj karliya.