Israeli Bahria ney itwaar ko Gaza ki patti ki samandari nakabandi todney ki koshish karne walay Europi imdadi karkunaan ki aik kashti pakad li hai. Kashti par Norway ka parcham lehra tha. Israeli fouj ney aik bayan mein kaha hai ke ”un (imdadi karkunaan) ki sargarmi kisi ghair mamooli waqea ke baghair hi khatam hogayi hai aur isi waqt is kashti ko Israeli bandargaah Ashdod muntaqil kya ja raha hai”. Al Awda nami is kashti se wabsta imdadi group ney kaha hai ke is par baaes afraad sawaar thay aur iss par adwiyah aur tibbi samaan lada sun-hwa tha. Freedom Flotilla ittehaad ke aik bayan ke mutabiq isi group ki aik doosri kashti ki aindah chand roz mein isi ilaqa mein aamad mutawaqqa hai. is kashti ka naam azad y hai aur is par soydsh parcham lehra raha hoga. Scandinavia ke mumalik se May ke wast mein chaar kashtiyan Gaza mein mahsoor Falastinion ke liye imdadi samaan le kar rawana hui theen. Unhon ney Gaza tak pounchaney mein 28 mukhtalif bandargahon par qiyam kya hai. Is muhim mein shaamil baqi do Kashtian Palermo ki bandargaah par qyaam ke baad apni manzil ki janib rawana hochuki hain. Al Awda ke pakdae jaaney ke baad Flotilla ittehaad ney aik bayan jari kya hai aur is mein yeh kaha hai ke ”Israeli Bahria hamein intibah jari kar rahi hai aur woh yeh daawa kar rahi hai ke hum bain ul aqwami qanoon ki khilaaf warzi ke murtakib ho rahay hain. Is ney imdadi kashtiyon ko rokney ke liye kisi bhi zaroori iqdaam ki dhamki di hai”. Bayan mein mazeed kaha gaya hai ke ”dar haqeeqat wahid zaroori iqdaam yeh ho sakta hai ke Gaza ki naka bandi khatam kar di jaye aur tamam Falastinion ko azadana naqal vhrkt ki azadi di jaye”. Israeli Bahria ne sirf Gaza ki naka bandi todney ki koshish ke liye aney wali maghribi mumalik ki kashtiyan ko pakad leti hai balkay woh Gaza ki bandar gaah se Europe ki taraf jaaney wali kashtiyon par bhi dhawa bol deti hai. Is ney chand haftay qabal Gaza se Europe jaaney wali aik kashti ko rawana honey ke thori der baad hi pakad liya tha. flstinyon ney May mein bhi aik kashti ke zareya Israel ki bahri naka bandi torney ki koshish ki thi lekin is ko bhi Gaza se chand kilometer door pakad liya gaya tha. Israeli fouj Gaza ki patti se flstinyon ki kashtiyon ko chay samandari mil se bahar nahi jaaney deti hai. wazeh rahay ke Israel ney 2008 se Gaza ki patti ki barri, bahri aur fazayi naka bandi kar rakhi hai. Aqwam e Mutahidda ke ohdedar aur insani huqooq ki aalami tanzeemen mutadid martaba Israel se Falasteeni ilaqa ka bgrhti hui insani soorat e haal ke paish e nazar muhasra khatam karne ka mutalba krchki hain.