Assam ney qatayee NRC mussavidah jari kardiya. 40 lakhs ki shahriat ko khatrah

• Naam na shaamil honey walon ko mauqa faraham kya jaye ga: Coordinataur
• Riyasat bhar mein Markazi Forces ki bhaari jamiat taiynaat
• Log apne hi Mulk mein Panah-Gazeen ban jayen ge: Mamata Banerjee
• Masla ko siyasi na baneyen: Rajnath Singh

New Delhi. Assam ney peer National Register of Citizens ka qatayee mussavidah jari karte hue jumla 3. 29 crore darkhwast gzaron mein 2, 89, 83, 677 afraad ko ahal qarar diya hai. is ka matlab yeh huwa ke 40-41 lakhs Assamyon ko takneeki taur par Hindustani tasleem karna band kardiya jaye ga. Coordinataur Sailesh jinhon ney qatayee mussavidah jari kya is baat par zor diya ke ‘yeh sirf aik mussavidah hai aur qatayee fehrist nahi hai, jin logon ko shaamil nahi kya gaya hai woh apna id-daa aur aitraaz daakhil kar saktay hain.’ Unhon ney kaha ke qatayee mussavidah par id-daa aur aitraaz ka amal 30^th  augst se shuru kya jaye ga aur 28^th  September tak jari rahay ga. Awam ko aitrazaat ke liye khatir khuwa aur munasib mauqa faraham kya jaye ga. kisi bhi haqeeqi Hindustani ko kisi qisam ka khauf karne ki zaroorat nahi hai. sarhadi riyasat Assam mein kayi dahun se shehrion ko apni shahriat saabit karne ka masla darpaish hai, chunkay mutawatir hukoomaton ka yeh id-daa raha hai ke riyasat mein padosi Mulk Bangladesh se ghair qanooni taur par dar aney walay Assam mein qiyam karte hue khud ko Hindustani saabit karne koshan rehtay hain jabkay Bangla zabaan bolney walay Assamyon ka yeh id-daa hai ke woh Bangladesh ke nahi balkay Hindustani riyasat maghribi bangal se naqal makani karte hue yahan dahun se muqeem hain. Yaad rahay ke shahriat se mahroom kar diye jaane walon mein aik badi tadaad Musalmanoon ki hai jin ki maadri zabaan Bangla hai. Assam Mulk ki wahid riyasat hai jahan apne shehrion ki Qaumiat ka Register hota hai. Assam mein rehne walay beshtar Musalmanoon ko yeh kehte hue Hindustani shehri tasleem karne se inkaar kardiya jata hai ke woh padosi Mulk Bangladesh se ghair qanooni taur par dar aeye hain. Kuch logon ka yeh khayaal hai ke woh ghair majaz taur par raye dahi mein hissa letay hain aur riyasat ki abadi ki haiyat tabdeel kardete hain. Shehrion ke Qaumi Register mein apne naam ke indraaj ke liye Assamyon ko yeh dastawizi suboot faraham karna padta hai ke un ka khandan Assam mein 24 March 1971 se muqeem hai, is tareekh ke dosray din Bangladesh ki azadi ki jung ka aaghaz huwa tha. Yeh jung 16^th December 1971 ko khatam hui jis ke baad Bangladesh ka sarkari taur par wajood amal mein aaya tha. Taham Sheikh Mujeeb ur Rehman ney usi saal 24^th  March ko Bangladesh ke aik azad Mumlikat honey ka elaan kya tha, tab Bangladesh ilaqa ke jo is waqt Mashriqi Pakistan kehlata tha wahan ke makeeno ney Maghribi Pakistan ke khilaaf guerrilla  jad-o-jehad ka aaghaz kya tha. Isi liye NRC ney 24^th  March 1971 ki neem shab ki tareekh ko paimana baneya hai. Yeh id-daa kya jata hai ke is guerilla jad-o-jehad ke douran hazaron Bangladeshi naqal makani karte hue ghair qanooni taur par Assam mein daakhil hogaye they. Pahela NRC 1951 mein tayyar kya gaya tha, us saal mardum shumari ke mutabiq Assam ki abadi 80 lakhs hi thi. Riyasti Hukoomat, Markazi Hukoomat aur ba asar all Assam Students Union( AASU) ke mabain 2005 ke aik seh fariqi moahida ki muwafiqat mein 1951 ke NRC ko up date kya ja raha hai. moahida 1985 Assam Moahida par amal daraamad ke amal ka hissa hai. is ke baad NRC ko update kiye jaane ka amal shuru huwa tha taham Riyasat ke kayi maqamat par tashadud phoot padney par rok diya gaya tha. Is ke baad 2009 mein aik NGO Assam Public Works (APW) ney Supreme Court mein aik marafa daakhil karte hue riyasat mein ghair mulkion khaas kar Bangladeshion ki nishandahi ki isttedua ki, nateeja mein Supreme Court is masla mein shaamil hui aur NRC par nazr e sani ka aaghaz huwa. Yeh teen barson ka process raha hai. Process ke aaghaz par zayed az 3.29 crores awam ney apni shahriat saabit karne ke liye dastawizaat daakhil kiye. NRC ke pehlay mussavidah mein jo guzashta baras December mein jari kya gaya tha 1.9 crores logon ko shaamil kya gaya tha. NRC ki qatayee fehrist 30^th June ko jari kar di gayi hai jis mein 3.29 crores darkhwast guzaron ke minjumala 2.89 crores logon ko shaamil kya gaya hai jabkay taqriban 41 lakhs logon ki shahriat tasleem nahi ki gayi. Riyasat mein qatayee mussavidah ki ajrayi ke baad peda shuda surathaal se nimatney ke liye Central Forces ki bhaari jamiat ko tainaat kardiya gaya hai.

Chief Minister West Bengal ka shadeed radd-e-amal

Chief Minister West Bengal Ms. Mamata Banerjee ney NRC ke qatayee mussavidah mein takreeban 40 lakhs Bangla zabaan bolney walay shehrion ki shahriat tasleem na karne par shadeed radd-e-amal zahir karte hue kaha kay Markazi hukoomat is mussavidah ki aad mein apne agenda ko agay badhaane mein jutti hui hai. Qatayee mussavidah ki ijrayi par aaj Parliament mein Mamta Banerjee ki Party Trinamul Congress ke arkaan ney zabardast hungama aarai ki hai. Unhon ney kaha ke woh Wazeer e Azam Mr. Narendra Modi se kehna chahti hon ke awam ko bachayen, inhen tanha nah chore den. Ms. Mamata Banerjee ney kaha ke inhen aziat rasani ka dar hai, log apne hi Mulk mein Panah-Gazeen ban kar reh jayen ge. Yeh takseem karo hukoomat karo ki policy hai. Awam ko yaka o tanha kya ja raha hai. .. yeh insaaniyat ko tabah kardey gi. Unhon ney kaha ke woh shakhsi taur par is masla ko Wazeer e Azam se rujoo kere gi. Unhon ney istafsaar kya ke itna bada qadam uthany se qabal hukoomat ko Maghribi Bengal hukoomat se tabadlah khayaal nahi karna chahiye?

Markazi Wazeer e Dakhla ka radd-e-amal

Markazi Wazeer e Dakhla Mr. Rajnath Singh ney NRC ke qatayee mussavidah ki ijrayi mein 40 lakhs afraad ke naamon ki adam-shumoliat par honey walay aitrazaat ke radd-e-amal mein kaha ke kisi ko abhi ghabraney ki zaroorat nahi hai chunkay yeh qatayee fehrist nahi hai. Jin afraad ka naam is mussavidah mein shaamil nahi kya gaya hai unhen apna muaqqaf paish karne ka mauqa faraham kya jaye ga. Unhon ney kaha ke is ko siyasi masla banaya ja raha hai. Unhon ney kaha ke kuch log ghair zurori taur par khauf o hraas phelaney ki koshish kar rahay hain.