shehar hyderabad ke sarkardah jamaaton, ulama aur danishwaron ki khusoosi appeal
Hyderabad: Shehar-e-Hyderabad ki sarkardah shaksiaat ne pur zor appeal ki hai ke baradran-e-watan Legislative council ke graduate halqa ke election mein apna vote istemaal karne mein hargiz ghaflat aur kahili nah barten. Vote hi woh taaqat hai jiske zariye Nizaam ko badla ja sakta hai, Lekin logon ki la parwahi yak am ilmi ki wajah se mafaad parast afraad jitne vote lekar assembly aur parliament mein pahonch jatay hain, agarchay ki wo awam ki aksariyat nahi hote, aur nah woh awam ke masail ko hal karne mein koi dilchaspi rakhtay hain, lekin awam ki aksariyat chunkay khud ghar se nikal kar vote daalnay se guraiz karti hai, is liye aisay na ahal partiyon aur leadron ke agay nuqsasn system mein rishwat, dictatorship aur ghunda gardi ki siyasat ki ahem wajah yahi hai ke log waqt par apne jamhoori haq ka istemaal nahi karte baad mein jamhoriat aur qanoon ka rona rotay hain. Is liye awam se mukhtalif tanzeemon ke rehnumaon ne khusoosi appeal ki hai ke is baar koi ghaflat nah bartay.
Council ke liye honay walay graduate halqa ke intikhabaat ke liye har graduate mard aur aurat apne vote ke zariye apne aisay numaindon ko council mein bhej sakte hain, jo numainday jo taleemi taraqqi mein madadgaar hosakein. Students aur teachers ke masail ko hal karne mein sahih numaindagi kar saken. is ke alawa muqannah yani legislature mein taleem se hatt kar bhi dosray kayi qawaneen bananay mein awam ke sahih masail se aagahi rakhnay walay hi agar council mein aayen to aisay qawaneen banane may awam ke sahih masail se aagahi rakhne wale he agar council may aaye to aise qawaneen banne ki umeed ki jasakti hai jo waqayiee awam ke masail ko sahi tour per hal kar sakte hoon.
Apna vote istemaal karne ke liye pehlay har graduate ka voters list mein apna naam shaamil karwana zaroori hai. is ke liye kayi help line numbers day diye gaye hain. Un se rabita karkay pehlay apne naam ka indraaj karwalein. Hyderabad ki graduate seat ke tehat mehboob nagar, ranga ready, vikarabad, alwal, Malkajgiri, secunderabad waghera ke tamam graduate ka ek hi halqa hai. Intikhabaat ki tareekh baad mein announce ki jaegi. fil haal graduates ke naamon ke indraaj ki aakhri tareekh 31 decemeber 2020 hai. muqablay mein ahem umeedwaorun mein BJP, TRS aur azad umeed waar anwar khan sahab ke alawa aur bhi kayi umeed waar hain. Koi zaroori nahi ke graduations sirf hyderabad se hi mukammal hui ho,
Haliya corporators ke intikhabaat mein awam ki vote daalnay mein adam dilchaspi aur kahili ka jo nateeja nikla hai, iske pesh –e-nazar ahem qaideen shehar ne gehri tashweesh ka azha ray kya, aur khusoosi darkhwast ki ke har mard aur aurat zaroor in intekhaabat may hissa lein aur apne vote ko har giz zaya hone na dein. Apna vote. Apna vote istemaal nah karna, nah sirf isay zaya karna hai Balkay ghalat numaindon ko muntakhib honay mein madad karna hai. is liye dr Aleem Khan falki, sadar socior reform society, Zia uddin naiyar sadar Iqbal academy aur fazil Hussain Parvez editor gawah ki appeal par shehar ke ahem ulma aur danishwaron aur jamaaton ke zimmedar Ne bharpoor taaid karte hue har fard se jald az jald apna naam voter list may indraj karwane ki takeed ki hai.
Un may Moulana Khalid saif ullah Rahmani, Moulana jalal ur rahman, Moulana Ubaid ullah athar khateeb masjid ten posh, DR aasif umri Ameer Jamiyat ahle hadees, Janab abid rasool khan sabiq chairman aqliyati commission janab hamid Mohd khan ameer Muqami jamate islami Dr Asma zehra sadar Shariya committee senior advocate high court mir masood ali khan, Advocate Ghulam yazdani Iqbal ahmed engineer, Ghayas uddin Babu khan sadar Hyderabad chariatable trust, Musti khaleel ahmed shaik ul jamia Hafiz peer shabbier jamiyat ulama hind Mushtaq malik sadar tehreek musalman shabban , amjed ullah khan Khalid MBT moulana ghayas uddin rahmani jamiyat ulama hind Mohtarma khalida parveen wahid ali khan Advocate sadar talba khadeem moulana aazad university Moulana Ahsan al humumi khateeb shahi masjid baghe-e-aam shamil hai.
In tamam ne is khwahish ka izhar kiya ke musalman poori zimmedari ke saath ek jamhoori Haq ko istemal karne ka shaoor paida Karen aur ek zimmedar shehri hone ka farz nibhayein.
Apne naamon ka indraaj karwanay ke liye un phone numbers par fori rabt kiya jasakta hai. 8897323760 ya 6281414430
Dr. Aleem Khan Falaki
President Socio Reforms Society
Hyderabad
Tel: 9642571721
Disclaimer: The views, thoughts & opinions expressed within this article are the personal opinions of the author. and the same does not reflect the views of Y THIS NEWS and Y THIS NEWS does not assume any responsibility or liability for the same.