Hyderabad: Telangana ki tashkeel ke baad se TRS ki riyasat mein hukoomat par mazboot girift hai lekin Dubbaka ke haliya assembly zimni intikhabaat mein BJP ke khilaaf shikast ke baad hukmaran jamaat shayad khawab-e-ghaflat se jaag chuki hai aur yahi wajah ke greater hyderabad municipal corporation ( GHMC ) ke intikhabaat mein cheif minister KCR bhi intikhabi muhim ka hissa honge aur woh awam se khitaab karenge.
Telangana mein hukmuran jamaat TRS hyderabad mein 100 se zayed Baldi division par kamyabi bhi khwahan hai aur apne maqasid ke husool ke liye ahem aur khusoosi mansoobah bandi ke sath maidan mein utar rahi hai.
Mazboot hikmat-e-Ilmi ke tehat reyasti chief minister KCR shehar mein ek jalsa-e-aam se khitaab karenge. Iske alawa TRS ke working prisidnt wo reyasti wazeer baldi nazam wo nasq KTR bhi party ki intikhabi muhim ki kamaan sambhaalte hue road show mein hissa lenge aur shayad ye do ahem aur qad aawar qaideen aakhir tak intikhabi mehmaat mein sargaram rahenge jabkay 29 November shaam 5 bajey intikhabi muhim ka ekhtataam ho raha hai.
TRS party ke zaraye ne kaha hai ke chief minister KCR 28 ya 29 November ko LB stadium mein munaqidah party ke ek jalsa aam se khitaab karenge. Is silsila mein party ki janib se tayyariyan ki jarahi hain. iske alawa KTR tamam division mein badey pemanay per road shows munaqid karenge.
Umeed ki jarahi hai ke wo 21 ya 22 November se road shows ka aaghaz karenge. Iske liye party ki janib se nizaam ul amal tayar kya jaraha hai jo shayad jald hi manzar aam par aayega.
TRS ne Dubbaka mein party ki shikast ke baad GHMC ke intekhabat ko viqar ka masla bana liya hai is liye chief minister bhi intikhabi muhim mein utar rahay hain. tamam wazra party ke arkaan-e-assembly, arkaan-e-parliment, arkaan-e-Rajya sabha, arkaan-e-qanoon saaz council ko siwaye puranay shehar ke assembly halqon ke ma baaqi tamam assembly halqon aur baldi division ke liye incharge wo Muawin incharge naamzad kiya gaya hai aur intikhabi muhim ke ekhtataam tak mutaliqa assembly halqon aur baldi divisions mein qiyam karte hue ghar ghar pahonch kar party umeedwaron ki intikhabi muhim chalanay ki hidaayat dainay ke alawa naraaz qaideen ko mananay aur inhen tayyar karnay ke alawa samaaj ke tamam tabqaat ko sath lekar chalne ka unhen mashwara diya gaya hai.