Dubai: Sunrisers Hyderabad ke Captain David Warner ne Chennai Super Kings ke khilaaf aayi guzashta muqablay mein 7 runs ki kamyabi mein aakhri over 18 sala nojawan All Rounder Abdul Samad ko dainay ke silsilay mein kaha ke Abdul Samad ne match mein kaafi achi bowling ki thi isi wajah se inhen aakhri over diya.
Dubai mein munaqidah guzashta muqablay mein Chennai ko aakhri 28 runs darker te. Crease par Captain Mahendra Singh Dhoni aur San Carran ki jodi mojood thi jo ke muqablay ko apne haq mein kar sakti thi. League Sppiner Abdul Samad aakhri Over kar rahay thay aur unhoun ne pehli gaind par paanch Wide runs day daaley thay. Un ke samnay Dhoni jaisa Finisher mojood tha lekin Abdul Samad ne Dhoni ko baday shot khailnay se rokay rakha.
Pehli gaind par 2 run gaye. Doosri gaind par Dhoni ke bat se seedha chouka gaya. Abdul Samad ne teesri gaind par ek run diya. Chothi gaind par ek run hi diya jis ki wajah se kamyabi Hyderabad ke hathon mein aagai. Halaank aakhri gaind par Carran ne chakka lagaya lekin nojawan Abdul Samad ne apne captain ka un par bharosa barqarar rakha.
Warner ne Samad ko aakhri over diye jane ke silsilay mein mere paas koi mutabadil nahi tha. Hum ne 19 we over mein Khaleel Ahmed ko bowling day kar match ko khatam karne ki koshish ki. Hum Abhishek Sharma ko aakhri over day satke thay, Lekin Abdul Samad ne jis terhan se match mein umdah bowling ki thi aisay mein inhen hi aakhri over mein bowling karne thi.
Unhoun ne kaha ke yeh wicket pichlle match se kaafi behtar te. Yeh kaafi challenging bhi tha. Nojawanon ke liye mera yeh pegham hai ke woh Khel kar khele aur team ke liye runs banayen. Yaad rahe ke Chennai Super Kings ke khilaaf guzashta muqablay mein Hyderabad ki kamyabi mein nojawan khiladion ka ahem rule raha.