Hyderabad: Adalat ke kamron mein mujrimeen ko sazae mout ki farmaan sunaate hue to kayi Judges ko dekha gaya hai lekin Judge khud phansi par latak gaya ho aisa bohat kam hi hota hai lekin Hyderabad mein ek subukdosh Judge ne sirf is khauf se ke woh corona se mutasir hogaya hai aur is ki wajah se afraad khandan ko koi pareshani nah is ne phansi lagaakar khud kashi karli.
Covid-19 se mutasir honay ke khauf ke baad subukdosh Judge ne Hyderabad ke mobayyana tor par Miyanpur mein waqay apni rahaish gaah mein khud ko phansi day kar khudkushi karli. Is ne ek khudkushi note choda hai jis mein is ne corona ke khauf se khudkushi kar lanay ka raaz faash kiya hai aur woh nahi chahta tha ke is ki wajah se is ka khandan pareshan ho. Police ke mutabiq, Ram Chandar Reddy ( 67 sala ) jumaraat ki raat apne ahal khanah ke sath raat ka khana khaya aur raat 10 bajey ke qareeb apne Bedroom mein chala gaya.
Shuba hai ke is ne aadhi raat ke baad kamray mein chhat ke pankhe se khud ko phansi day di. Is ke ahal khanah ne dosray din subah usay latka huwa dekha aur usay dawakhana muntaqil karne ki koshish ki lekin tab tak is ki mout hogayi thi. Miyapur police ko ek khudkush note mila, Jis mein Reddy ne likha hai ke woh kaafi dinon se sehat ki kharabi mehsoos kar raha hai aur usay shuba hai ke woh Covid-19 se mutasir huwa hai. Police ke ek ohdedar ne kaha woh nahi chahta tha ke is ki wajah se is ke afraad khandan ko takleef puhanche is liye is ne yeh sakht iqdaam uthaya. Miyapur police ne muqadma darj karkay tafteesh jari hai.