London: Lords ke tareekhi maidan mein ek Muslim Cricketer par sharaab ( Beer ) daalnay ke muamlay mein hungama ho gaya hai jis ke baad England ke Cricket halqon mein phir wohi behas chhadi hai ke Counties eqtidaar ka khayaal nahi kartin aur kisi nah kisi andaaz mein nasal parasti ka shikaar rehti hain.
County hukkaam ne waqea par afsos zahir karte hue kaha hai ke hamein apne khiladion ke eqtedar ku mazeed behtar karne ki zaroorat hai. Lords Cricket Ground mein Bob Willis Trophy ke Final mein bartari ki bunyaad par champion qarar di jane wali Essex team ne baalkani mein jashnn manaya aur is douran ek cricketer ne saathi Muslim Cricketer ko sharaab mein nehla deya, Poori bottle sar par uddle jane ke baad mutasirah cricketer Feroz Khushi herat ka shikaar dikhayi diye.
21 sala batsman Feroz Khushi ne Tournament ke ibtidayi marahil mein mutaded Matches khailay aur achi karkardagi pesh ki thi. Shadeed radd-e-amal par County ne apne bayan mein kaha hai ke Club is silsila mein taleem ka silsila jari rakhay ga lekin saqafati ikhtilafat ke baray mein khiladion ko ziyada aagah karne ke liye mazeed kam ki zaroorat hai. National Cricket League ke Sajid Patel ne kaha ke yeh masla jahalat ka hai lekin kisi ne bhi Cricketers ki taleem ya afrrad ku batanay ke liye kaam nahi kiya hai. Is liye yeh silsila aindah bhi jari rahay ga. Mein pooray system ko moorad ilzaam thehrata hon.
Yaad rahai ke cricket duniya ka yeh rivaaj hai ke jab koi team kamyabi haasil karti hai to usay Tournament ki Trophy ke sath sharaab ki botelain bhi di jati hain aur faateh team ke sabhi khiladi jashnn ka yeh andaaz ikhtiyar karte hain ke Trophy ko sab oopar uthany ke sath hi Khushi ke andaaz mein sharaab ki botelain ek dosray par undalte hain. Doosri janib aksar Muslim khiladi is terhan ke jashnn se khud ko kuch daur khada kar lete hain jis ki taaza misaal England ka World Cup jeetay ke baad jashnn manana lekin jab khiladi ek dosray par bottle se sharaab undail rahay thay to English team ke 2 muslim khiladi Moin Ali aur Adil Rasheed khud ko saathi khiladion se allag karliya tha.