Hyderabad: Corona bohraan ki wajah se jahan saari duniya pareshan hai wahein cricket ke madahon Covid-19 September ka be-sabri se intezaar bhi hai kyunkay is din UAE mein Indian Premier League ( IPL ) ka 13 we season shuru hoga. IPL ka iftitahi muqaabla difai Champion Mumbai Indians aur Mahinder Singh Dhoni ki zair qayadat Chennai Super Kings ke darmain hoga. Yeh teesri martaba hoga ke jab IPL Tournament Hindostan se baher khela jaye ga kyunkay is qabal 2014 mein Hindostan mein aam intikhabaat ke. Pesh-e-nazar yeh Tournament UAE huwa tha lekin 2014 mein Tournament ka ibtidayi hissa UAE mein huwa tha, Is martaba corona virus ki wajah se mukammal Tournament Emirate mein hi munaqqid hoga.
Ek janib jahan IPL ke deewano ki nazrain apne pasandeeda Tournament par markooz hochuki hai to doosri janib nawabon ke shehar Hyderabad ke awam ki tavajja apni muqami team Sunriser Hyderabad par markooz hochuki hai jaissa ke rawan hafta team intizamia nay ek video jari karte hue Hyderabadi team ki tayario aur khiladion ke khayalat se apne madahon ko waaqif karwaya hai.
Is video ke jari honay ke sath hi Hydrabadi madahon ka josh aur jazba mazeed buland huwa hai kyunkay inhen umeed hai ke jis terhan 2009 mein Johannesburg mein munaqidah IPL mein Hydrabadi team jo is waqt Deccan Charges ke naam se jani jati thi is ney pehli martaba khitaab haasil kiya tha aur final mein is ney Royal Challengers Banglore ko shikast di thi is mauqa par team ke Captain Australia khiladi Adam Gilchrist they jis ke baad Hydrabadi team ney 2016 mein ek aur Australia Captain David Warner ki sarparasti mein khitaab haasil kiya tha. Team is martaba Sunriser Hyderabad ke nam se khitab apne nam kiya tha.
Is ke ilawa 2018 mein Hyderabadi team final mein rasai haasil ki thi. New Zealand ke captain Kane Williamson ki qayadat mein khitaab haasil karna ka mauqa mila lekin usay final mein shikast hui thi, Is martaba David Warner ki wapsi hui hai jo ke team ki qayadat karen ge jis ke baad Hyderabadi awam ki umeeden mazeed badh gayi hain.
Hyderabadi team ki asal taaqat is ki opening jori David Warner aur England ke Wicket keeper batsman Johnny Barstow hai. Is jodi ny IPL ki tareekh mein kayi Record apne naam darj kiye hain aur is martaba bhi is jodi se team ko ek behtar aaghaz ki umeed hai halaank Warner is waqt England ke dora par hain jahan woh koi khaas muzahira nahi kar paye hain. Warner ke dora? England par naaqis form ke bawajood saari duniya janti hai ke Warner kya kar saktay hain is par qalam ko harkat dainay ki zaroorat nahi.
Opening ke baad Sunriser Hyderabad ke Middle Order mein ek aur bairooni Batsman Kane Williamson ka naam mil jata hai jin par un ki team New Zealand ko hi nahi balkay IPL ki team Sunriser Hyderabad ko bhi kaafi umedain hain aur yeh team ke sab se qabil bharosa batsman bhi tasawwur kiye jatay hain kyunkay un ke bain ul aqwami aur IPL ke dono hi mahdanon ke muqablon mein istiqlal hai.
Is ke baad bowling shoba ki baat karen to yahan bhi aalmi number ek Afghanistan ke Spinner Rashid Khan team ki taaqat hain jin ke sath hindustani team ki bain ul aqwami satah par kamyaab numaindagi karne walay Bhunishwar Kumar hai. Rashid aur Kumar dono hi Hyderabad Sunriser ke liye Match Winning Bowlers hain aur unki mojoodgi muqablay ko kisi bhi lamha Hyderabad Sunriser ke haq mein kar sakti hai. All rounder mein Vijay Shankar, Mohammad Nabi, Mitchell Marsh ke naam qabil zikar hain. Alawa azeen fast bowling shoba mein Khalil Ahmed bhi ek bain ul aqwami naam hai. Wicket ke peechay Wriddhiman Saha ka tajurbah bhi Hyderabad Sunriser ke liye klidi saabit hoga. Manish Pandey, Priyam Garg, Sandeep Sharma ko kisi bhi terhan se nazar andaaz nahi kiya ja sakta jo kay muqami salahiyaton ke zamray mein Hyderabad Sunriser ke ahem naam hain.
Maidan se baher Coaching amlah ka tazkara karen to yahan Hindostan ke kamyaab tareen batsman VVS Laxman ki mojoodgi ahem hai jin ke sath Spinning Bowling ke coach Muttiah Muralitharan ka kirdaar ahem hoga kyunkay T20 Tournament mein aksar dekha gaya hai ke ahem mawaqay par Spinner nay muqablay ka naqsha apni team ke haq mein palta hai. Kaghaz par behtar naam aur Record ki kitaab mein kayi adaad shumaar ke agay Hyderabad Sunriser team ke khiladion ke naam se Hyderabadi madahon ko yeh umeed hai ke UAE ke sehraa mein ek martaba phir IPL Hyderabad ka sooraj tulu hoga.