Saudi Arab mein hwabazi ki tarbiyat dainay walay aik idaara ne khawateen ke liye apne darwazay khol dyie hain aur wahan pehli martaba Saudi khatoon Pilots ko tayyaray udane ki tarbiyat di jaye gi. Oxford Aviation Academy ki mashriqi shehar Damam mein waqay shaakh mein senkron khawateen ne hwabazi ki tarbiyat ke liye apni darkhwasten jama kara di hain. tawaqqa hai ke September ke awayel mein is idaara mein un ki tarbiyat ka aaghaz hojaye ga. Aik Civil Pilot ban’nay ki khwaahan khatoon Dalaal Yeshar ka kehna hai ke ”pehlay log beron Mulk shehri hwabazi ki tarbiyat ke liye jaany ke aadi ho chukay they lekin beron Mulk khawateen ke liye shehri hwabazi ki tarbiyat mardon ki bah nisbat bohat mushkil thi”. Unhon ne kaha ke ”hum aik aisay daur mein nahi reh rahay hain jahan khawateen ko sirf mehdood shoubon hi mein kaam karne ki ijazat hai. ab khawateen ke liye tamam Ufaq khulay hain. Agar aap mein koi kaam karne ki tadap aur lagan hai to phir aap mein is kaam ko karne ki salahiyat bhi mojood hai”. Oxford Aviation Academy 30 crores dollars ke aik mansoobah ka hissa hai. Is mein tayyaron ki marammat ke liye aik school bhi shaamil hai. Is ke alawa hawai adda par Tayyaron ko parwaaz mein madad dainay ke liye aik bain ul aqwami markaz bhi qayim kya gaya hai. Is Academy ke Executive Director Usmaan al Mautery ne bataya hai ke un ke yahan talba ko teen sala tdrisi aur amli tarbiyat di jati hai. Saudi Arab mein khawateen ke car chalanay par ashron se aed pabandi ko guzashta mah hi khatam kya gaya hai. Saudi walii ehad shehzada Mohammad ban Salman ki wasee tar jame islahat ke tehat kiye gaye is iqdaam ka maqsad mulki maeeshat ka rukh pherna aur khawateen ki taraqqi ke naye mawaqay peda karna hai.