Ahmedabad. Ishrat Jahan ki maa ney 2004 muqadma ke mulzimeen do Muazzif Police ohdedaron ki darkhwast bra_aat ke khilaaf aaj adalat mein apna aitraaz daakhil kardiya hai. Ishrat Jahan ko deegar teen ke sath aik farzi Encounter mein qatal kardiya gaya tha. Mohtarma Shamima Kausar ney yahan CBI ki khusoosi adalat mein Gujarat ke retired Police Officers D G Vanzara aur N K Amin ki janib se daakhil kardah darkhwast bra_aat ki yeh kehte hue mukhalfat ki ke dono mulzimeen ke khilaaf thos shawahid mojood hain. khusoosi CBI court ke judge mister J K Pandia jinhon ney dono mulzimeen aur CBI ke dalail ki samaat ke baad aaj apna hkmnamh mehfooz rakha tha, kaha ke woh mutasirah ki taraf se uthae gaye aitrazaat ki roshni mein is maamla par mazeed samaat karen ge. mohtarma Shamima Kausar ney apne wakeel P I Parvez ke tavassut se daakhil kardah apni darkhwast azrdari mein kaha ke dono mulzimeen ko bra_aat nahi di jani chahiye chunkay un ke khilaaf thos shawahid o saboot mojood hain. unhon ney kaha ke record mein maujood shawahid zahir karte hain ke yeh dono Ahmedabad ke muzafaat mein is muqam par maujood they Jahan Ishrat Jahan aur deegar 4 ko 2004 mein goli mardi gayi thi. Mohtarma Kausar ney Call Details Record ka hawala dete huvey kaha ke case mein maakhoz deegar mulzimeen ke sath yeh dono mustaqil tor par rabt mein they. Adalat ney un dono mulzimeen ki muqadma se kharij karne ki darkhwast par dono mulzimeen aur is case ki tehqeeq karne wali tehqiqati agency CBI ke wukla ki samaat 30th June ko khatam kar di thi. Vanzara ney sabiq incharge DGP Gujarat Police P P Pande ki muwafiqat mein darkhwast bra_aat daakhil ki thi. pi pi pande ko na kafi shawahid ki binaa February mein is muqadma se kharij kardiya gaya tha. Vanzara ney apni darkhwast mein ye bhi id-daa kya ke Central Agency ki janib se daakhil kardah charge sheet ”mann ghadat” thi aur un ke khilaf koi Laiq mazawalat (prosecutable) mawaad maujood nahi hai. Sabiq sarbarah Gujarat ATS ne kaha kegawahoon ke bayanaa t”intehai mashkook” hain.
Adalat ney pehlay hi Amin ki darkhwast par samaat ko mukammal karliya tha. Mumbra, Mumbai se talluq rakhney wali 19 sala Ishrat Jahan aur deegar teen Javed Sheikh @ Pranesh Pilayi, Amjad Ali Akbar Ali Rana aur Zeeshan Johar ko Ahmedabad ke muzafaat mein 15 June 2004 ko aik farzi Encounter mein golian mardi gayi theen. Us waqt Police ney yeh id-daa kya tha ke un charon ka dehshat gardon se talluq hai aur woh us waqt ke Chief Minister Gujarat Narendra Modi ko qatal karne ki saazish rachi thi. Taham Gujarat high High Court ki janib se tashkeel kardah special investy gation team ney yeh nateeja agz kiya tha ke yeh Encounter ‘farzi’ tha jis par Adalat ney muqadma ko riyasti Police se wapas lekar CBI ke hawala kardiya tha. CBI ney 2013 mein daakhil kardah pehli charge sheet mein 7 Police ohdedaron Bashmool aayi pi s Officers pande, Vanzara aur jee ail singh ke naam mulzimeen ke tor par shaamil kiye they. Un tamam par deegar ilzamaat ke ilawa aghwaa, qatal aur saazish ke ilzamaat aed kiye gaye they. Vanzara ka naam mushtaba gangster Shahabuddin aur us ke Muawin Tulsi Ram ke mobayyana farzi Encounter ke muqadma mein bhi shaamil hai. Inhen guzashta baras Mumbai ki adalat ney bari kardiya.