Riyadh: Saudi khatoon Reem Al Nasir ne Riyadh mein phalon aur sabzion ki dukaan khol kar pehli sabzi farosh khatoon honay ka aizaz haasil karliya. Reem Al Nasir kuch aisa karna chahti theen jisay karne ki himmat is se pehlay kabhi kisi Saudi khatoon ny nah ki ho.
Website ke mutabiq Reem Al Nasir ny 2018 mein Saudi dar-ul-hukoomat Riyadh mein phalon aur sabzion ki dukaan kholnay ka programme banaya. Reem Al Nasir ny kaha hai ke un ki kayi Saudi saheliyan bhi is chhootey se tijarti programme mein shareek hain. Sab mil kar phal aur sabzian saaf karti hain. Un ke Packs banati hain aur sarfeen ko taaza tayyar shuda sabzion ke Packs pesh karti hain.
Reem Al Nasir ne kaha hai ke unhoun ne jab phal aur sabzion ki dukaan kholi to shuru mein badi mushkil pesh aayi. Muqami shehrion ko ye programme pasand nahi aaya. Ye muqami mizaaj aur riwayaat se hatt kar tha. Rafta rafta loog anay lagey. Ab soorat-e-haal ye hai ke apni dukaan par kayi mashinen rakh li hain. ye Sanitized hain. Dukaan se phalon aur sabzion ki home Delivery khidmaat bhi shuru kar di hai.
Reem Al Nasir ke bamujab ibtida mein dukaan par sirf phal aur sabziyan hi rakhi gayi theen lekin ab anwaa-o-aqsam ke murabbey aur phalon ke taaza juice ke Packets bhi farokht kiye jarahay hain jabkay sabzion ke achaar bhi gahak pasand karne lagey hain. Sarkari idaron ne nah sirf ye ke hamari maali eaanat ki balkay farogh samaji fund ki janib se hamein kaarobar ko kamyaab bananay aur agay badhaane ke mashwaray bhi diye jarahay hain.