Amravati: Andhra Pradesh ke Amravati ke kisanon ne dar-ul-hukoomat ko khair margoz karne ke faisla ke khilaaf ehtijaj kiya. Kisanon ki badi tadaad aaj Amravati ke Tallayapalam ta Nelapadu ke rastay ke dono janib ghutnon ke bel tehar gayi. Ye rasta Judges ki rawaangi ka hai. Un kisanon ne riyasat ke 3 dar-ul-hukomton ke khilaaf tashweesh ka izhaar kiya. Qaumi parcham thaam kar ahtjajiyoun ne hukoomat ke faisla ke khilaaf naaray baazi ki. Kisaan aur un ke arkaan khandan, Rishta daaron aur dosaron ne ye ehtijaj kiya. Is mauqa par media se baat karte hue kisanon ne mutalba kiya ke 3 dar-ul-hukoomaton ke faisle ku wapes le.
Is mauqa par JAC ke Convener Sudhakar ne kaha ke hukoomat ne un ki arazyat awaami dar-ul-hukoomat ke liye li theen nah ke siyasi akhadah ke liye. Mojooda hukoomat ne yak-tarfa tour par CRDA bill ko mansookh kiya hai jis se kisanon ke mafadaat mutasir hue hain. Doosri taraf kisanon ne muqami rukan Assembly A Rama Krishna Reddy ke khilaaf police se shikayat ki aur ilzaam lagaya ke kisanon ke sath unhoun ne dagha bazi ki hai. Amravati mein intikhabaat se qabal lagaye gaye ishtiharaat bhi is shikayat ke sath munsalik kiye gaye hain. Wazeh rahay ke Amravati ke kisaan is masla par ehtijaj karre hain aur dar-ul-hukoomat ko ghair markooz karne ke liye apni narazgi ka izhaar kar rahay hain. Riyasat ki asal opposition Telugu Desam bhi kisanon ke ehtijaj ki himayat kar rahi hai.