Hyderabad: Wo ek aam ensaan nahi hai lekin is ki masaye ghair mamooli aur misali hai. Telangana zila ke mukhtalif gooshon se is sarkardah zila SP ki sataish ki jarahi hai jis ne dosaroun ke liye qabil taqleed masaye ki hai. Ye story jazba se bharpor zila SP ki hai jo Telangana ke Kotagudem mein tainaat hain aur mukhtalif shoba hayaat se talluq rakhnay walay afraad un ki sataish kar rahay hain.
SP Sunil Dutt ney apni ahliya Nishita Sharma ki sarkari Hospital mein zachgi karwai. Wo apni 9 mah ki haamla biwi ko aam aadmi ki terhan zachgi ke liye sarkari hospital le gaye jahan Doctors ney Nishita ko hospital mein daakhil karliya jaha unhoun ney isi shaam ek sahet mand ladke ko janam diya. Ek aisay waqt jab doulat mand afraad aur samaaj ka ek bada tabqa zachgiya ke liye private hospitals ka intikhab kar raha hai, SP ney aam aadmi ki terhan khidmaat se istifada karte hue sarkari hospital ki ahmiyat ko ujagar kiya. Unhoun ney nishandahi ki ke sarkari hospital mein mayaari ilaaj ki sahoolat mojood hai. SP joday ki ye doosri aulaad hai.