Karim Nagar: Corona se mutasir zaeef khatoon Ambulance ke zareya hospital le jaanay ke douran tibbi ehalkaroun ko chakma day kar faraar hogayi. Ye waqea zila Karim Nagar ke Shankarpatnam ilaqa mein pesh aaya. Tafseelaat ke mutabiq is khatoon ke corona se mutasir honay ke baad is ko Ambulance ke zareya Karim Nagar ke hospital le jaanay ke liye tibbi ahelkaar puhanche taham rasta mein pishaab karne ke bahanay wo Ambulance se utar gayi aur tibbi ehalkaroun se bach kar faraar hokar dobaar Shankarpatnam poanch gayi.
Is ne hospital jany se inkaar kardiya. Is ko kaafi samjhaya gaya taham is ne hospital jany se inkaar kardiya. Baad azan is ke arkaan khandan ki janib se is ko samjhaye jany ke baad wo un ke sath hospital jany ke liye razamand hogayi jis par tibbi ehalkaroun ne raahat ki saans li.