Riyadh: Fitness club mein khawateen ke liye mukhtas jagah mein na munasib libaas ke sath daakhil honay walay ghair mulki shakhs ko Mulk badar kardiya gaya. Arab Media ke mutabiq Social Media par viral honay wali aik tasweer par Saudi hukkaam ney notice letay hue nah sirf ghair mulki ko mumlikat se bahar nikaal diya balkay mazkoorah club ko earzi tor par band kardiya. twitter par share honay wali tasweer mein dekha ja sakta hai ke short pehnay aik ghair mulki shakhs fitness club mein khawateen ki intzaar gaah mein daakhil hogaya aur wahan mojood bahijaab khawateen usay dekh kar dang reh gayeen. aik khatoon ney is manzar ko camera ki madad se mobile mein mehfooz karliya aur baad azan is ki shikayat social media ke zareya hakkaam taq pohanchai, Saudi wizarat labour and social development ney muamlay ka notice letay hue tehqiqaat ke baad ghair mulki shakhs ko Mulk badar kardiya jab ke fitness jim ko earzi tor par band kardiya.