Hyderabad shehar mein Metro rail Stations jadeed o asri Smart Parking saholaten baham pohanchaney wazeer Baldi nazm o nasq o shehri taraqyat Mr. K. T. Rama Rao ki hadaayat par Hyderabad Metro Rail Limited ( HMRL ) ney Miyanpur-Ameerpet-Nagole ki karkard 30 kilometer patti par waqay 24 Metro Rail Stations par awaami-khangi shiraakat daari ki asaas par ISPMS (Integrated Smart Parking Managment Systme) ke farogh ka mansoobah tayyar kya hai aur bolyon ko qatiat day di hai. Managing Director HMRL Mr. N. V. S. Reddy ney bataya ke teen companiyon ney boli mein hissa liya tha M/s Zruti Solutions ko licencee ke taur par muntakhib karliya gaya hai jo M/s Egile Parking Solutions Private Limited ke sath technical collaborations haasil kere gi, aakhir uz zikr Company Smart Parking ka bain-ul aqwami tajurbah rakhti hai. M/s Zaruti Solutions 8 crores rupay ka sarmaya lagaye gi aur un 24 Metro railway Stations par aalmi miyaar ka ”on street smart parking facilities” baneye gi aur un ki dekh bhaal kere gi aur chalaye gi. Yahi nahi balkay 20 barson ki muddat mein HMRL ko 7 crores rupay ki raqam bhi ada kere gi. ”Park Hyderabad” ke brand naam ke tahet HMRL ka marboot smart parking system aik jame digital solutions asasi hogajo saaray parking umoor ke ihata kozyad_h insani mudakhlat ke baghair chalaye ga. yeh aik stizn mobile App bhi rakhay ga jo Metro Stations par tamam on street smart parking lots se bar waqat maloomat faraham kere ga. Two wheelers aur four wheelers ke malkin apne GPS ko istemaal karte hue kisi bhi Metro Station ka safar karne se qabal apni matlooba parking ki farahmi digital jaanch kar saktay hain. Yeh log apne smart phone par apni location service ko istemaal kar saktay hain aur system un 24 Metro Stations par taqreeban 4, 000 two wheelers parking bays aur 400 four wheelers parking bays mein apni gaari ko park karne dastyab bays ko display kere ga. parking shrhin two wheelers ke liye fi ghanta 3 rupay aur four wheelers ke liye 8 rupay fi ghanta honge