Riyadh: Saudi Arab mein Naak mein corona test kit tottnay ke baais daidh sala Saudi bacha Abdalaziz Al Jufaan chal basa. Ahal khanah darjah hararat badh jaaney par tibbi muanay ke liye kamsin ku dawakhane muntaqil kiya gaya tha. Tibbi amlay ne corona virus ke shay mein test ke liye kit bachay ki Naak mein daakhil ki jis ke toot jaaney se bacha jaan se haath dho betha.
Media ke mutabiq bachay ke chacha ney kaha hai ke sachhi baat ye hai ke bacha lailaaj amraaz mein mubtala tha aur nah kisi naazuk bemari ka shikaar tha. Bachay ka jism garam ho raha tha jis par dawakhana le jaya gaya. Dr ney shay ki bunyaad par corona test ka faisla kiya. Bachay ke chacha ney mazeed kaha ke jab corona test kit bachay ki Naak mein toot gayi to Dr ney ilaaj ke liye usay dawakhana mein daakhil kardiya. Operation ke liye be hosh kardiya gaya. Raat 1 bajey bataya gaya ke operation mukammal hogaya hai aur bachay ki Naak se corona test kit nikaal li gayi hai.
Operation ke baad bacha hosh mein aagaya tha. Bachay ki walida bhi wahan mojood theen aur Nurses se musalsal darkhwast kar rahi theen ke operation ke baad mutaliqa Dr bachay ka muaina karen aur is baat ka yaqeen haasil karen ke corona kit mukammal tour par nikal chuki hai. Khoon behna band hogaya hai aur bachay ko tanfis mein koi mushkil to pesh nahi aa rahi hai lekin Nurses kehti rahen ke Dr nahi hai intezaar kiya jaye. Bachay ke chacha ne kaha ke subah 9 bajey bacha achanak be hosh hogaya. Maa ne fori tor par Nurses ko ittila di. Saans aane band hogayi thi jis par bachay ko masnoi tanfis firaham kiya gaya.
Dawakhana pahonch kar Dr ko talabb kiya. x-ray mein pata chala ke bachay ke ek phephday mein tanaffus ki naali band nazar aa rahi hai. Bachay ki haalat bighadnay par jaan bachanay ke liye usay Riyadh ke Specialist hospital muntaqil karne ki darkhwast ki. Dopehar 12 baj kar 18 minute par manzoori aagai. Ambulance ka intezaar karte rahay jo theek 1 ghantay baad pohanchi aur bacha hospital pahunchaty pahunchaty dam toad gaya.