Algeria: Algeria ke 19 soboun ke Governor ney coronavirus ke phelao ko rokne ke liye Nikah ki taqrebaat par pabandi laga di hai. Haliya dinoun ke douran khandani taqrebaat ki wajah se coronavirus ke mamlaat mein izafah dekhnay mein aaya tha.
Website ke mutabiq dar-ul-hukoomat sameit Algeria ke 48 soboun mein se 19 mein taa hidayat sani Nikah ki taqrebaat par pabandi laga di gayi hai. Algeria ke kayi sarkari idaroun ney Report di thi ke mulk mein coronavirus se bachao ke liye muqarrar wizarat sahet ke zawabit ki pabandi nah karne ki wajah se corona ke mareez badh rahay hain. Shadi bayah ki taqrebaat bhi corona ke mamlaat bhadne ka bada sabab hain. Yaad rahay ke Algeria mein coronavirus se ab taq 959 afraad halaak jabkay 16404 mutasir aur 11884 sahet yab huve hain.