Ramallah: Palasteni ilaqay mein Bethlehem ke Governor ney maqboza maghribi kinare mein coronavirus ke taizi se philav ke baad Bethlehem ko earzi tor par band karne ka elaan kiya hai.
Tafseelaat ke mutabiq Governor Kamel Hmeid ney ek bayan mein kaha ke peer ki subah 6 bajay se 48 ghantay ke lockdown ka aaghaz hoga. Yaad rahay ke guzashta haftay maghribi kinare ke shehar Hebron mein 5 din aur Nablus main 48 ghantay ke liye lockdown kiya gaya tha.
Bethlehem ke qareeb dono elaqoun Hebron aur Nablus mein virus ke philav mein taizi se izafah huwa hai. Palestine ki wizarat sahet neh haftay ko COVID- 19 67 naye mamlaat ki tasdeeq ki in main se 33 ka ka talloq Bethlehem zila se hai. Wizarat ke mutabeq magrebi kinare mein coronavirus ke mutasireen ki majmoi tadaad 1 hazaar 552 hai jabkay 2 afraad virus se halaak ho chukay hain. Maghribi kinare ki terhan Israel mein bhi coronavirus ke mamlaat main izafah record kiya gaya hai.