Amrici riyasat Arizona mein police ke mutabiq aik 92 sala khatoon ne care home mein jaaney se bachney ke liye apne 72 sala betay ko goli maar kar halaak kar diya. adalti dastawizaat ke mutabiq Anna Mae Blessings Nami khatoon ko unhen ‘care home’ mein bhejnay betay ke iraadon ka pata chal gaya tha. it-tila-aat ke mutabiq mazkoorah khatoon ne Arizona mein waqay –apne ghar se jis mein woh aur un ka beta apni dost ke sath rehta tha bahar nikaltay hue kaha ‘tum ne meri zindagi li is liye mein tumhari le rahi hon.’ Anna Mae Blessings ne police ko bataya ke woh khud ko bhi maarna chahti theen. muqami media ka kehna hai ke yeh waqea do July ki subah meri koupa county mein fountains hills ke qasba mein paish aaya. mrs blesings jin ke betay ka naam zahir nahi kya gaya chahtay they ke un ki walida care home muntaqil ho jayen kyunkay un ka apni walida ke sath’ rehna mushkil tha. ‘Anna Mae Blessings ne apne betay ke sath behas ke douran sunah 1970 ki dahai mein khareeda gaya revolver nikaal kar apne betay par goli chala di, un ke paas dosra revolver bhi mojood tha. police ne Anna Mae Blessings ke maray hue betay ko talaash kar liya jis ki gardan aur jabray mein golion ke nishaan they. is ke baad Anna Mae Blessings ne apne betay ki 57 sala dost ki janib revolver ka rukh kya jinhon ne un se revolver chean kar kamray ke aik konay mein pheink diya jis par woh dosray revolver se waar karna chahti theen magar woh nakaam rahen. mazkoorah khatoon ke betay ki dost ne wahan se bhaag kar police ko bulaya. police ne mrs blessings ko un ke bad room mein talaash kar liya. unhon ne baad mein police ko bataya ke inhen un ke aamal ke liye hamesha ki neend sulaa diya jana chahiye