Hyderabad. Sadar Majlis Ittehad ul Muslimeen o Rukn Parliamnent Hyderabad Mr. Asaduddin Owaisi ney Wazeer e Azam Mr. Narendra Modi aur Sadar BJP Mr. Amit Shah par yeh challenge karte hue baras parre ke agar un mein juraat hai to woh Hyderabad parlimani halqa se muqaabla krdkhayin. woh aaj yahan aik zabardast rally ke baad khitaab karte hue kaha ke har koi Majlis Ittehad ul Muslimeen se Hyderabad ki nashist chean lainay koshan hai. unhon ney kaha ”mein inhen challenge karta hoon ke agar un mein juraat hai to woh Hyderabad se Majlis ke khilaaf muqaabla karkay dikhain. hatta ke mein Sadar congress Rahul gandhi ko challenge karta hon ke Hyderabad se intikhabaat mein muqaabla karen, yahi nahi balkay BJP aur congress dono mil kar bhi Majlis ko Hyderabad se shikast nahi day satke.’ ‘ Mr.Asaduddin Owaisi ney Wazeer e Azam Mr. Narendra Modi ko jadugar P C Sarkar qarar dete hue markazi hukoomat par Aqliaton aur Daliton par kiye jaaney walay hamlon ko roknay mein nakami par sakht tanqeed ki. Modi, awam se keh rahay hain ke 25 June ko yom siyah manayeen. unhon ney yeh wazeh kiya ke awam ney gandhi jee ka qatal, babri masjid ka inhedam, gujrat ke fasadaat aur azad hindustaan mein paish anay walay deegar pur-tashaddud waqeat ko faramosh nahi kiye hain. unhon ney ilzaam aed kya ke hkmran BJP, RSS ke agenda ko is andaaz mein rubay amal laa rahi hai ke aqltyon ke sath imtiaz barta ja raha hai.