Shaam Duniya ka khatarnaak tareen mulk. Iceland Duniya ka pur aman tareen Region
Duniya insanon ke liye pehlay se ziyada khatarnaak hogayi, aalmi aman se mutaliq bain ul aqwami report ke mutabiq shaam Duniya ka khatarnaak tareen mulk qarar paaya hai. Globle Peace Index ney qiyam aman se mutaliq Duniya ke 163 Mumalik ki darjah bandi ki hai. Is fehrist mein dosra number Afghanistan , teesra Sudan ka hai. Globle Peace Index ney report androoni bohranon se honay wali halakaton, qatal o siyasi khauf o hraas sameit 23 mukhtalif awamil ko mad e nazar rakh kar banai hai. report ke mutabiq Duniya bhar mein musalsal chouthay saal aman ki sorat e haal kharab hui hai jis ke baad aman napaid ho raha hai, fehrist ke mutabiq Iraq bad tareen Mumalik ki fehrist mein chouthay number par hai. Aalmi aman se mutaliq report mein panchwin number par Yemen aur chhatay number par Kango hai, Russia ko dasvin number par rakha gaya hai jabkay Pakistan terhavi number par hai. darjah bandi ke mutabiq shumali Korea chaudhween, Turkey 15th , Israel 18th , Egypt 22nd , Palestine 23rd aur Hindustan 28the positions par hain. Is kamtlb yeh huva ke aman ke aitbaar se Hindustan ka maqam 163 Mumalik mein 137th muqam hai .
Mehez 3.5 lakh abadi par mushtamil Europe ka Mulk Iceland guzashta 10 saal se badastoor Duniya ka pur aman tareen Region qarar diya gaya hai. Newzealand, Austria , Portugal aur Denmark paanch pur aman tareen mulkon mein shaamil hain. Srilanka, Chad, Columbia aur Uganda ke sath Hindustan un Mumalik mein shaamil hai jahan amwaat ki tadaad mein kami aayi hai. report ke mutabiq aman ke aitbaar se 92 Mumalik ki sorat e haal bigri hai jabkay 71 Mumalik mein behtari aayi hai.