Thailand mein bachon ki Football Team coach sameit sailaabi pani se bharay Gaar mein phans gayi, navy ke tairaak aur under water drones ne talashi muhim shuru ki thi taham pani ki satah barh janey aur taiz barish ke baais bachao ke kamon ko earzi tor par rokkk diya. khabar-rasan agency ke mutabiq bachon ki Team hafta ki shumali Thailand mein soobah Chiang Rai mein Tham Luang Nang Non gaar mein Naujawan Khiladi pani mein phans gaye hon ge .
Yeh Team hafta ki shab lapata hui thi, Team mein giyarah se solah baras ke baara bachay aur un ka pachees sala coach shaamil hai, shadeed baarisho ke baais pani se bharay Gaar ke bahar bachon ki cyclen aur un ke jootay bhi mil gaye hain. chay se das kilometer lambay Gaar ke pani mein navy ke tairaak, under water drones aur imdadi kaarkunon ki temen bachon ki talaash kar rahi hain. soobah Chiang Rai ke deputy governor Passakorn Boonyalak ne kaha ke hunooz hamein umeed hai ke Gaar mein phansay hue Khiladi zinda hon ge
Thailand: Bachon ki Football Team sailaabi pani se bharay Gaar mein phans gayi
