Kuwait City: Sanaf naazuk ko kaayenaat mein rang se tashbiya di jati hai lekin haliya barsoun mein is sanaf naazuk ne juraim ki duniya mein kayi aisi karistanyan anjaam di hai ke ab is sanaf naazuk ki khoubsurti ke sath is ki jarehana tasweer bhi manzar aam par anay lagi hai jabkay Kuwait mein pesh aeye waqea mein ek ladki ne Car ka hi sarqa karliya hai.
Tafseelaat ke bamujab Kwaiti ladki Al-Qarin Market mein Rent Car Agency se qeemti gaadi le udi. Waardaat ki Video Clip Social Media par Viral hogayi hai aur Company ne ladki ko giraftar karne mein madad karne waloun ke liye inaam ka elaan kiya hai. Rent Car Agency ke maalik ne masroqa gaadi ki baazyabi aur waardaat karne wali ladki ko giraftar karanay par inaam ka elaan kiya hai. Social Media par qeemti gaadi chori kiye janey ki video clip CCTV cameroun ki madad se Record karkay social media par viral ki gayi hai.
Video Clip mein dekha ja sakta hai siyah Abaya pehnay huve ek ladki Rent Car Agency ki parking mein Naqab se aayi. Is ne charoun janib nazar daal kar ye itminan haasil karliya ke koi Security Guard usay dekh to nahi raha hai. Fori tor par is ne kayi gadiyoun ko kholnay ki koshish ki. Ladki ek qeemti gaadi chand hi lamhoun mein kholnay mein kamyaab hogayi. Aisa mehsoos huva ke is ne Remote Control se gaadi On ki thi.
Agency ke maalik ne masroqa gaadi ka pata batanay walay ko 2 hazaar Kuwait dinar inaam ke tor par dene ka elaan kiya hai. Social media par sarifeen ne khayaal zahir kiya chori ki waardaat Rent Car Agency ke kisi mulazim ki madad se ki gayi hai. –YTN STAFF