New Delhi. hukoomat hind ke musheer e aala baraye Iqtesadiyaat Mr. Arvind Subramanian ney apni miyad ki takmeel se mahino qabal mustafi hogaye. markazi wazeer khazana Mr. Arun Jaitley ney kaha ke Chief Economic Advisor Arvind Subramanian ohda par chaar baras taq khidmaat injaam dainay ke baad America wapas lout jayen ge. Mr. Arun Jaitley ney apne Facebook ke aik post mein kaha ”woh –apne khandan ke israar par America wapas lautna chahtay hain. Unhon ney mere liye koi mauqa nahi diya aur mujhe un ki baat manni pari.” Mr. Jaitley jo surgery ke baad hospital mein zair e ilaaj hain kaha ke Mr. Subramanian ney chand din qabal un se video conferencing ke zareya baat ki. Unhon ney kaha ”un ki wajohaat personal hain magar un ke liye nihayat hi ahem hain.” Mr.Subramanian ne jo Peterson Institute for International Economics ke senior fellow hain, 16th October 2014 ko teen baras ki muddat ke liye Hindustan ke Chief Economic Advisor ki haisiyat se khidmaat anjaam dena shuru ki thi, jis mein tausee ki gayi thi. unhon ney yeh ohda us waqt qubool kya tha jab un ke peshroo Mr. Raghuram Rajan RBI ke Governor bana diye gaye. Mr. Jaitley ney apne post mein kaha ke teen sala meyaad ki takmeel par mein ney un se khwahish ki thi ke mazeed muddat ke liye woh is ohda par barqarar rahen. is waqt bhi unhon ney kaha ke woh apne khandani taqazoon aur mojooda ohda ke darmain paase jarahay hain.