New Delhi: No muntakhib Chief of Defence Staff ( SDF ) General Bipin Rawat ne kaha ke musallah afwaj siyasat se daur rahen aur hukoomat ki hidayat ke mutabiq kaam karen. Unka ye tabsarah oppostion ke ilzamaat ke darmain aaya hai ke musallah afwaj ko siyasi shakal di jarahi hai. unhoun ne kaha hum khud ko siyasat se daur rakhtay hain. Hum hukoomat ki Hidayat mutabiq kaam karte hain.
mulk ke pehlay CDS ka ohda sanbhalne ke baad media ke sath apni pehli mulaqaat mein general Rawat ne kaha ke un ka maqsad tenu afwaj ke zareya ki jarahi koshisho ko muttahid karna aur ek Team ke tour par kaam karna hoga. wo tenu afwaj ko dastyab wasail ke behtareen istemaal ko yaqini bananay par bhi tavajja markooz karenge.
General Rawat ne kaha team ke tour par hum ek aisay maqsad ki simt mein kaam karenge jahan 1 + 1 + 1 ya to 5 ho ya 7 ho lekin 3 nah ho. Mera matlab hai ke sirf marboot koshish nahi balkay is se bohat ziyada hona chahiye. Hamein muttahid hokar ye maqsad haasil karna hoga.
Yaad rahai ke general Bipin Rawat ne charshumbe ko mulk ke pehlay Chief of Defence Staff ( CDS ) ka ohda sanbhala. General Rawat ne 7 bock mein guard of honor ka muaina kiya. Is se qabal unhoun ne qaumi jung yadgar ja kar watan ki hifazat mein apni jaan qurbaan karne walay shaheedoun ko kharaaj aqeedat pesh kiya.
Markazi kabeena ne guzashta haftay hi CDS ke ohday ki tashkeel, Rule, Qawaneen aur charter ko manzoori day di thi. Kabeena ne wizarat difaa mein fouji umoor ke ek naye shobay ki tashkeel ko bhi manzoori di thi.
CDS is mehakma ke sarbarah aur Secretary honge. CDS ke ohday par faiz honay wala Afsar 4 star ke Rank wala general hoga. Un ki thankhowa tenu afwaj ke sarbrahan ki masawi hogi. Wo hukoomat ko difai mamlaat mein mashwara dainay wala bada ohdedar hoga. CDS fouji umoor ke mehakma ke sarbarah ke sath sath fouj ke Chief of staff committee ka mustaqil chairman bhi hoge. –YTN STAFF