New Delhi: Hukoomat ne jumaraat ke roz wazeh kiya ke mutadid reyastoun mein kayi dahaiyo se nazar band marakaz mojood hain aur unka qiyam kisi bhi terhan, National Register of Citizen ( NRC ) se mutaliq nahi hai, Jis ke talluq se congress sameit deegar mutadid halqoun ke zareya ilzaam aed kiya gaya hai. ek sarkari bayan mein herasti marakaz ke muamlay mein samnay anay walay waqeat ki khususiyaat aur tarteeb ki fehrist digayi hai.
Is saal January mein, Markazi wizarat dakhla ne herasti markaz. Holding Center nazar band Camp ka ek model tayyar kiya tha. Supreme court ke 20 August 2018 ke ehkamaat ki tameel mein tayyar kiya gaya hai, Jo’ ko Collaborative network far research and kiya Capacity building’ Guwahati ke zareya dair darkhwast par tayyar kiya gaya hai. Is talluq se kaha gaya hai ke herasti marakez aise qaidi marakaz hain, Jahan ghair mulki shehrioun ko zurori tasdeeq ke liye rakhnay aur mutaliqa hukoomatoun ke dastawizaat jari karne ke baad mulk badar karna hai.
Forigners Act 1946, Markazi hukoomat ko ekhyar deta hai ke wo ghair mulki naqal o hamal par pabandi aed kere, Jis se is shakhs ko kisi khaas jagah par rehna parta hai. Ye note batata hai ke July 1998 se wizarat dakhla umoor reyasti hukoomatoun ko safri dastawizaat ki tayari ke fori baad mulk badri ke liye aisay nazar-band afraad ki jismani farahmi ko yakeeni bananay ki zaroorat par hidayat jari kar rahi hai. –YTN STAFF