Lo aap apne daam mein sayyad aagya hai ke misdaaq qanoon nafiz karne walay hi aaj qanoon ki zad mein aagaye. Humayunnagar Police Station ke Sub Inspector C.H Srikant aur Police Constable Mohammad Raheem Pasha ko Anti Corruption Bureau ney bees hazaar rupay talabb aur qubool karte hue rangay hathon giraftar karliya. tafseelaat ke bamawajib chand Jaria saal mah January mein captain claim par jaan lewa hamla ke silsila mein giraftar Saood amoodi ke bhai Mahmood amoodi ko yeh kehte hue harasan kya ja raha tha keh inhen bhi iqdaam qatal ke is muqadma mein makhoz kardiya jaye ga. shikayat kanandah Mahmood amoodi ka kehna hai ke inhen musalsal harasan kya ja raha tha aur 12 dinon taq ghair qanooni tor par hirasat mein bhi rakha gaya tha. un se ta haal 2 laakh rupay bhi wusool karliye gaye aur mazeed 50 hazaar rupay dainay par muqadma se kharij kardainay ki peshkash ki thi. Mahmood Ali amoodi ney police ki musalsal harasani aur rishwat talabi se aajiz aakar woh anti corruption Bureau se rujoo hue aur ohdedaron ke mahswara par dono police ohdedaron ko Mansahab Tank bridge ke neechay raqam dainay ke liye talabb kya. ae si bi ke ohdedaron ney dono ko raqam wusool karte hue rangay hathon giraftar karliya aur un ke qabza se rishwat mein di gayi raqam bhi bar aamad karli. ae si bi ney is khsoos mein aik muqadma darj karliya aur inhen ae si bi ki khusoosi adalat mein paish kya ja raha hai.