Hyderabad: Shehar ka muzafati ilaqa Shamshabad mein jummay ki raat ek aur khatoon ki laash mili. Yahan se kuch hi daur par charshumbe hi ki raat ko bhi ek khatoon Vaterinary Dr ki jali hovi laash mili thi, Jis ki ismatdarri ke baad qatal kar ke jaladiya gaya tha.
Police ke mutabiq, 30 se 35 saal ki omar ki namaloom khatoon ki jali ho yi laash Siddulagutta Temple road ke qareeb, Cyberabad police Commissionerate ke hadodo ke qareeb se mili hai. Police ne laash ko postmortem ke liye dawakhana muntaqil kar diya hai.
Hyderabad se 50 kelo Meter ke faaslay par waqay Shadnagar qasbay ke qareeb ek veterinary Doctor ki laash milnay ke ek din baad ye taaza waqea pesh aaya. Un waqeat se khawateen ki hifazat par sawalaat uthaye ja rahay hain. Telangana ke wazeer-e-Aala Mohammad Mehmood Ali ne kaha ke is case ki samaat fast track adalat mein ki jaye gi. –YTN STAFF