Matloob Rajesh Bharti aur deegar teen Gangsters South Delhi ke Chhatarapur mein Police ke sath firing ke tabadlah mein halaak. Encounter mein 8 Police mulazmeen aur aik Gangster zakhmi.
New Delhi. Junubi Delhi ke Chhatarpur ilaqa mein paish aeye aik Encounter mein Police ko matloob chaar Gangster Bashmole gang ka sarganah Rajesh Bharti halaak hogaye jabkay Delhi Police ke 8 mulazmeen bhi zakhmi hogaye. yeh gang aik form haoz mein panah li hui thi. Police ko is gang ke ilaqa mein naqal o harkat ke barey mein pata chala tha aur aaj subah operation shuru kya gaya tha jis mein gang ka sarganah Rajesh Bharti aur deegar teen arkaan ko goli markr halaak kardiya gya jabkay gang ka panchawan rukan shadeed zakhmi hogaya jisay hospital muntaqil kardiya gaya. Rajesh Bharti jis ke sir par aik laakh rupay ka inaam tha Haryana mein Police hirasat se faraar hogaya tha. is ke khilaaf sangeen juraim ke kayi muqadmaat darj they aur is ki kuch arsa se talaash jari thi. tassadum mein maaray jaany walay deegar teen ki shanakht Virdhu, Umesh Don aur Bheeku ki hesiyat se ki gayi. Police naay bataya ke gang ke un tamam arkaan ke khilaaf Delhi bhar mein qatal aur jabri raqmi vasuli ke kayi muqadmaat darj they. Police aur gang ke darmiyaan taqreeban adhay ghanta taq firing ka tabadlah hota raha