Hyderabad : Sabiq BJP rehnuma wo sabiq wazeer-e-khazana Bandaru Dattatreya ney jumeraat ko yeh pesh goi ki hai ke unki party 2023 mein honay walay assembly intikhabaat ke baad riyasat mein hukoomat tashkeel daygi.
Shehar mein party ke head quarter mein party ke rukniat ke drive app ko shuru karne ke baad, media numaindoun se khitaab karte hue Dattatreya ney daawa kiya ke mulk mein log wazeer-e-aazam Narendra Modi hukoomat ke corruption se pak daur ko dekhte hue party mein shumuliat ikhtiyar kar rahay hain.
Unhon ney mazeed kaha ke riyasat mein party ka target, riyasat bhar mein party ki rukniat ko 18 laakh se dugna karna hai. Karntaka ke siyasi halaat par Dattatreya ney kaha ke yeh mulk ke liye khush aaind hai, kyunkay congress poooray junoobi Hindustan se gayab ho gayi hai. –YTN STAFF