Hyderabad: Hyderabad university ke campus mein yahan saada libaas mein 2 police ohdedaron ne kuch talbat ke sath bud-sulooki ki. Police ne yeh baat batayi. yeh waqea shaam ko paish aaya aur talba aur university ke security ohdedaron ne reserves sub inspector aur head constable ko pakad kar police ke hawalay kardiya jis ke baad un ke khilaaf muqadma darj kiya gaya.
University ke security officer ne ek shikayat darj ki hai jis mein kaha gaya hai ke saada libaas mein mojood 2 police ohdedar ek gashti motocycle per university campus mein daakhil hue aur mobayyana tor par nashay mein thay aur unhoun us halat may kuch talbaat ke saat bad sulooki aur harasan kya. Ek police ohdedar ne ibtidayi tafteesh ke hawalay se kaha ke un par kiye jane walay breath leser test mein sharaab ke istemaal ke shawahid miley hain. Ohdedar ne mazeed kaha hai ke un dono ke khilaaf IPC ki ghairqanooni aur bad sulooki ke mutaliqa daf-aat ka muqadma darj kiya gaya hai aur mazeed tafteesh jari hai.