Hyderabad: Wazeer e ziraat Singireddy Niranjan Reddy ney aaj kaha ke hukoomat ney yakuam August se riyasat bhar ke schoolon mein bachon ke liye umdah chawal ki farahmi ka faisla kiya hai. Unhon ney mutaliqa ohdedaron ko bhi is silsila mein fori iqdamaat karne ki hidaayat ki.
Riyasat ke 28,623 sarkari schoolon mein school ke bachon ko Mid Day Meal scheme ke tehat umdah chawal muhayya kiya jaye ga.
Apne aik bayan mein, wazeer e ziraat ney kaha ke umdah chawal, Hostel, Anganwadi marakaz aur Social Welfare Residential schoolon mein pehlay hi poanch chuke hain. Tamam schoolon mein tulba ki tadaad 23,87,751 thi. Is ke liye, har mah 12,000 matric tan umdah chawal ki zaroorat hoti thi. –YTN STAFF