Indonesian khandan us waqt dang reh gaya jab un ke ghar ki khatoon jinhein unhon ne 18 monthsqabal samandar mein doubtey dekha tha woh isi saahil par zindah salamat be hoshi ki haalat mein payi gayi. pichlle saal January ke awail mein maghribi java mein aik bohat barri samandari lehar 53 sala Nining Sunarsih ko baha le gayi thi aur hakkaam usay murda samajh baithy thay. doosri janib murda samjhi jaany wali khatoon ki laash athaara mahino mein kabhi bhi nahi mili jabkay khatoon ke khandan ko is baat ki umeed thi ke Nining Sunarsih zindah mil jaye gi aur yeh moujza samnay agayaa. khatoon ke khandan ka kehna hai ke un ke waalid ko pur asraar khawab anay lagey to woh hafta ke roz isi saahil par wapas gaye aur unhon ne dekha ke Nining Sunarsih 18 months baad be hoshi ki haalat mein isi saahil par pari hui hai jabkay jis raat usay samandari lehar baha le gayi thi isi waqt ke kapray bhi is ne Zaib tan kiye hue hain. Sunarsih ko fauri tor par hospital le jaya gaya jahan doctoron ne bataya ke khatoon ki jismani haalat behtar hai aur tawaqqa hai ke woh poori terhan sehat yab hojaye gi