New Delhi: 10 Central trade Union ki janib se 8 January ko mulk bhar mein, Hukoomat ki ”Aawaam dushman “Policies ke khilaaf ehtijaj ke liye hadtal ki jayegi. Is talluq se trade Union ne bataya ke 8 January ko mulk bhar mein ki jaany wali is hadtal mein taqreeban 25 crore afraad shareek honge.
10 Central trade Union, Maslan INTUC, AITUC, HMS, CITU, AIUTUC, TUCC, SEWA, AICCTU, LPF, UT ne mah December mein ek aalamia manzoor kiya tha ke 8 January 2020 ko mulk geer hadtal ki jayegi.
Unhoun ne kaha tha ke hum 8 January ko hadtal munaqqid karen ge aur is hadtaal mein 25 crore afraad shirkat karen ge aur hukoomat ki policies ke khilaaf muzahira karen ge. Un 10 trade Union ne mushtarqa tor par kaha ke, Wizarat mehnat, mazdouroun ke kisi bhi mutalbe ki yaqeen dehani karne mein nakaam rahi hai. Hukomat ka ye rawayya mazdooroun ki tauheen hai.
Is mein kaha gaya hai ke taqreeban 60 talba tanzeemoun aur kuch universition ke muntakhib ohdedaroun ne bhi is hadtal mein shaamil honay ka faisla kiya hai, Jis mein agenday ke tehat fees mein izafay ke Stricture aur taleem ko karobari bananay ke khilaaf aawaz uthana hai. Trade Union ne JNU tashadud aur university ke deegar campus mein honay walay waqeat ki muzammat ki aur mulk bhar ke talba aur aasatezh se izhaar yakjahti kiya.
Pehlay hi 12 hawai adday farokht ho chuke hain, Air India ki 100 feesad farokht pehlay hi tye shuda hai, BSNL. MTNL ke inzimam ka elaan ho chuka hai aur 93,600 telecom ehalkaroun ko pehlay hi VRS ( razakarana retirement scheme ) mein shaamil kiya gaya hai. Union bhi railway mean najkari, 49 difai pedawar Union ke jabri inzimam ke khilaaf hain. Unhoun ne kaha ke 175 se ziyada kisanoun aur zarayi mazdoor Union ke mushtarqa plateform ne mazdooroun ko un ke mutalibaat ki himayat kiya. –YTN STAFF