Triputi: Pyaaz ki mukhtasir farahmi ke nateejay mein 1 mahinay se is ki qeematoun ne aasman se battay shuru kar di hain kyun kay behtareen pyaaz jo kay 20 taa 30 rupay fi Kelo farokht hoti thi ab 150 rupay fi Kelo gram tak poanch gayi hai jabkay kuch maqamat par to ye 200 rupay tak ja pohanchi hai! Agarchay hukoomat 25 rupay ki sabsidi qeemat par pyaaz farokht karne ki koshishen kar rahi hai, Lekin ye sirf kuch muntakhib maqamat par hi dastyab hai jis ke nateejay mein 1 Kelo pyaaz ke husool ke liye 2 kilometer taweel qatarain lag gayeen. Tirupati ke rito bazaar mein 1 Kelo pyaaz ke husool ke liye sedron afraad 2 Kelo meter taweel qataar mein khaday dekhe ge jo kay barhami ki haalat mein hukoomat par shadeed tanqeed kar rahay they.
Agar kisi khandan mein 3 arkaan hain to tenu haath mein Aadhaar cards liye hue qataar mein khaday nazar atay they. Yahan tak ke jab farokht shuru hui, Qataar ka koi ekhtataam nahi huwa jis ki tawalat mein izafah hota chala gaya. Yahan tak ke aas paas ke dihatoun ke logoun ne bhi kam az kam 1 Kelo pyaaz laane ke liye qataar mein khaday hogaye.
Jab logoun ka hujhoom bhedne laga, Police ko intizamaa karne mein sakht waqt darpesh honay lagi police ka intezam isliye kiya gaya ke koi nakhushgawaar waqea pesh na aeye. Har guzarte ghantay ke sath hi logoun ne apna sabar khona shuru kardiya. Unhoun ne ye kehte hue apni barhami zahir ki hukoomat kiya kar rahi hai? Unhoun ne kaha ke hukoomat ne logoun ko reet aur ab pyaaz ki takleef mein mubtala kardiya. Ye pareshani kab tak jari rahay gi? Kiya hukoomat jaag rahi hai aur kaam kar rahi hai ?, Awam is terhan ke deegar kayi sawalaat pooch rahay they.
Awam ne kaha ke pyaaz farokht karne ke liye sirf 2 counter qaim kiye gay they aur is ke nateejay mein taweel qatarain lag gayeen. Agar wo sabsadi walay narkhoun par pyaaz farokht karna chahtay they to inhen kuch khulay mahdanoun mein khusoosi counter kholnay chahiye they. Unhoun ne mazeed kaha ke hukoomat sabsadi walay pyaaz farokht karne ke liye Ration shops ka istemaal bhi kar sakti thi. Jab farokht band hui to bohat se logoun ko 3 ghantay se ziyada qataar mein khaday rehne ke baad 1 Kelo pyaaz bhi nahi mili jis par inhen mayoos hokar wapas jana pada. –YTN STAFF