Agrah: Ferozabad zila ke All India Majlis-e-Ittehadul Muslimeen ( AIMIM ) ke rehnuma Ehtsham Ali Babar ke khilaaf mobayyana tor par Facebook par ishtial angaiz video post karne aur shehriat tarmeemi act ( CAA ) aur qaumi shehri register ( NRC ) ke khilaaf muqami bashindoun ko mushtael karne ke ilzaam mein muqadma darj kiya gaya hai.
Charshumbe ke roz mulzim ko IPC ki dafaa 153 A ( Maz hab, Zaat, Maqam paidaiesh, Rehaish, Zabaan, aur hum ahangi ki dekh bhaal ) ke tehat mukhtalif garohoon ke mabain dushmani ko farogh dainay ke liye tasubi karvaioun mein mulawis honay ka muqadma darj kiya gaya.
Sab Inspector Omender Singh ne ye shikayat darj ki thi, Jis mein kaha gaya tha ke ”Mangal ko der raat, Hamein social midyapr Ehtsham Ali Babar ki janib se banaya gaya ishtial angaiz video mosol huva.
Mohammadpur gaon ke rehaishi, Ehtsham Ali Babar , jinhon ne 2017 mein munaqidah Assembly intikhabaat mein Tundla halqa se MIM ke ticket par intekhab lada tha. Babar ke khilaaf muqadma darj honay ke. baad unke faraar honay ki khabar hai. –YTN STAFF