Lacknow: Uttar Pradesh hukoomat ne insidaad shehriat tarmeemi qanoon ( CAA ) ke muzahiroun ke douran haliya tashadud mein mulawis honay ke baad, Popular Front of India ( PFI ) par pabandi aed karne ki tajweez par, Pani phir sakta hai, Kyunkay Uttar Pradesh police un kaarkunoun ke khilaaf thos saboot pesh karne mein nakaam rahi hai.
PFI ke sadar Wasim Ahmed , Jin par un tashadud ke master mind honay ka ilzaam aed kiya gaya tha, Inhen zamanat mil gayi aur wo mangal ke roz reha hogaye. unhoun ne kaha ke ”hukomt mehez tanzeem ko bad naam kar ne ki koshish kar rahi hai, Lekin baghair thos saboot ke. Unhoun ne media numaindoun ko bataya ”Police ki janib se giraftar kiye gay 25 PFI Membran ki zamanat manzoor karli hai, Kyunkay police ke paas hamaray khilaaf ko yi saboot nahi tha“.
23 decemeber ko Lacknow police ne PFI ke sadar Wasim Ahmed , Khazanchi Nadeem Ali aur divisional sadar Ashfaq ko giraftar kiya tha. Un par ishtial angaiz literature, Posters, CDs aur Banners rakhnay ka ilzaam aed kiya gaya tha. Nadeem Ali aur Ashfaq ki darkhwast zamantoun par samaat aglay haftay honay wali hai.
Is ke ilawa police ne giraftar PFI ke 18 mimbraan, Jin mein ek mumtaz shakhs Mohammad Shadaab bhi shaamil hain, Ko bhi mangal ko zamanat par reha kiya gaya. Ek police officer ne bataya ke is muamlay mein abhi inhen Charge sheet dair karna baqi hai.
Wwazeh ho ke, Yogi Adityanath hukoomat ne is bunyaad par PFI par pabandi ka mutalba karte hue ek qarardad bhaije thi, Jis mein kaha gaya tha ke ye tanzeem mulk dushman sar gar miyoun mein mulawis hai. Reyasti hukoomat ne kaha hai ke PFI kaladam’ Students Islamic moment of India ( SIMI ) ki munsalik tanzeem hai. –YTN STAFF