New Delhi: UP Police ke zareya senior Malyalam sahafi Siddique Kappan ki giraftar kiye jane par Indian Union Mulim League ke qaumi sadar Professor Qadeer Mohiuddin sabiq MP ne sakht muzammat karte hue usay ghair jamhoori qarar diya hai. Seddiq Kappan jo ( Kerala Union Of Working Journalists ) ke Delhi shakha ke Secretary bhi hain. Jab inhen Hathras esmat raizi ke waqeye ki ittila mili to woh aur deegar sathiyon ke sath sahafi ki hesiyat se apna kaam karne ke liye Hathras, Uttar Pradesh gaye thay.
Wo maazi mein mutadid media idaron se wabasta rahay hain aur filhaal ek Malyalam Web Portal ke liye likh rahay hain. Uttar Pradesh police ne sahafi ko pakad liya aur mobayyana tor par adalat-e-uzma ke zariye hidaayat kardah ek giraftar mulzim ke haqooq dainay se bhi inkaar kardiya. Jab Kerala Union of Working Journalists ( KUWJ ) ne Supreme Court mein shikayat darj ki to, UP police ne giraftar Malyalam sahafi ki zamanat se inkaar karne ke liye ujlat karte hue mutanazia siyah qanoon UAPA ke mukhtalif hisson ke tehat muqadma darj kardiya. Indian Union Muslim League ke qaumi sadar Professor Qadeer Mohiuddin ne is baat ki taraf khusoosi nishandahi karte hue kaha hai ke media ki aazay par pabandi lagana aur sahafion ko apna farz ada karne par qaid rakhna aisa sirf Dictatorship mein hi ho sakta hai.
Is terhan yeh amal intehai ghair jamhoori aur bilajawaz hai. Is waqeye se yeh saabit hota hai ke Uttar Pradesh police law and Order barqarar rakhnay ke naam par kis terhan insani haqooq ko chean rahi hai. Indian Union Muslim League Malyalam sahafi aur deegar ke khilaaf Uttar Pradesh police ki karwai ki muzammat karti hai aur hukkaam se mutalba karti hai ke un ke khilaaf jo sakht ilzamaat hain un ko fori wapas len. Is zimn mein Indian Union Muslim League ke arakeen parliaman ne bhi sahafi-o-deegar ki giraftari ki sakht muzammat ki hai aur un ki fori rihayi ka mutalba kiya hai.