Agra: Tajganj ke ilaqay mein ek hotel mein university ke 20 sala under Graduate taalib ilm ko ek khatoon ke sath bad sulooki aur zayad-ti ke ilzaam mein Aviation Diploma Course karne walay ek nojawan ko giraftar kiya gaya hai.
23 sala Darsh Gautam jo zila Hathras ka rehne wala hai, Apne walidain ke sath sadar ilaqay mein rehta hai. wo niji idaray se huva baazi mein Diploma kar raha hai. Police ke mutabiq, Mutasirah aur mulzim ek mah pehlay social media platform Instagram ke tavassut se raabtey mein aeye they.
Senior Superintend Police ( SSP ) Agra, Babloo Kumar ne kaha ” Police ki janib se bar aamad kiye gaye CCTV footage se maloom huva hai ke charshumbe ki subah dono Tajganj ilaqay ke ek hotel mein puhanche, Jahan mutasirah ladki ke sath zayad-ti ki gayi thi.
Mutasirah khatoon ne apne bayan mein daawa kiya hai ke usay sharaab ki peshkash ki gayi thi, Jis ke baad wo behosh hogayi. Ek ghanta baad, Jab usay hosh aaya to is ke niji hissay par zakham ke nishaan miley“. Mutasirah ladki tibbi imdaad ke liye niji hospital gayi aur baad mein, Is ke dost mutasirah ladki ko SN Medical college legaye.
Police ne daawa kiya hai ke mulzim ko Aligarh se giraftar kiya gaya tha, Jahan wo apne 3 dostoun ke sath ek shadi ki taqreeb mein shirkat ke liye gaya tha. Mulzim ne apne jurm ka aitraaf kiya hai. Hum ne usay tibbi maayne ke liye bheja“.
Zaraye ke mutabiq, Is waqea ki tafseelaat ka pata laganay ke liye mulzim aur hotel ke amlay ke ilawa mulzim ke 3 dostoun ko bhi pooch teach ke liye hirasat mein liya gaya hai. Mutasirah ladki ki medical report mein inkishaaf huva hai ke usay apne niji hissay mein chout lagnay ke sath ek wehshiana jinsi hamla huva hai. –YTN STAFF