Hyderabad : Bahadurpura Zoo park road par, haftey ki subah hyderabad se Bangalore janay wali ek Travel Bus palat gayi, is haadsa mein koi jani nuqsaan nahi hua.
Maqam-e-haadsa par pohanche Bahadurpura ke circle inspector Durga prasad ne media numaindoun ko is waqeya ki tafseelaat bata te hue kaha ke ”aaj subah 5: 30 bajey Hyderabad se Bangalore janay wali ek Travel Bus jiska number hai AP 02 TA 5666 Zoo park ke qareeb palat gayi. is Bus mein das musafireen they, jine mein se chaar musafireen mamooli tor par zakhmi hoye hain jabkay deegar afraad mehfooz hain.
Zakhmion ko Ambulance 108 ke zareya hospital muntaqil kar diya gaya hai, jaha par unka ilaaj kiya jaraha hai. –YTN STAFF