Sanaa: Arab ittihadi afwaj ne Yemen mein 2 haftoun ke liye mukammal jung bandi ka elaan kiya hai. Jung bandi ka elaan Coronavirus ki wajah se peda honay walay bohraan ke pesh e nazar kiya gaya hai. Saudi Press Agency ke mutabiq Arab ittihadi afwaj ke tarjuman Col. Turki al-Malki neh kaha hai ke Yemen mein jung bandi do do haftay ke liye nafiz kardi gayi hai. Jung bandi mein halaat ke pesh e nazar towsee ki ja sakti hai. Unhoun neh kaha hai ke jung bandi sirf Yemeni qoum ke liye ki gayi hai. Tawaqqa karte hain ke Hosi Baghi bhi jung bandi ki tajweez qubool karen ge.
Unhoun neh mazeed kaha hai ke Yemen ke tanaza ka siyasi hal deegar tamam mutabadil se ziyada mufeed aur behtar hai. Corona se nimatnay ke liye Arab ittehaad Yemeni hukoomat ki har mumkin madad karen ge. Unhoun neh kaha hai ke insaaniyat ke liye imdadi Mission jung aur fouji karwaiyoun par muqaddam hai. Wazeh rahay ke Yemen mein jung bandi ke liye aqwam mutahidda ki taraf se Appeal ki gayi thi. Yemen ke liye aqwam mutahidda ke khusoosi Antonio Guterres ki koshisho se jung bandi amal mein layi gayi hai. –YTN STAFF