London : World cup 2019 ka aaghaz hone ko hai aur cricket ka bukhaar har jagah nazar aa raha hai, aisay mein cricket ke madah, sabiq khiladi aur tajziya nigaron sameit sabhi apni apni raye ke mutabiq behtareen batsman aur bowlers ke intikhab ke liye apni raye ka izhaar kar rahay hain. Australia ke sabiq khiladi Mark vane rawan mah England aur wales mein honay walay world cup 2019 ke mutaliq apna tajzia dete hue 3 batsmanon ko behtareen qarar diya hai .
Mark Vane 3 behtareen khiladion ko muntakhib karte hue hindustani captain Virat kohli ko pehla maqam diya hai jabkay England ke jarehana batsman Joss Buttler ko dosraa aur Australia ke opener David warner ko teesray maqam par rakha hai. Virat kohli is martaba apna teesra world cup khelainge aur Hindustani cricket ki tareekh mein aisa pehli martaba hoga ke 30 sala captain 50 overs ka world cup khailayga .
Joss Buttler England team ke behtareen khiladi manay jatay hain aur doosri teamon ke liye ek bada challenge saabit hunge. rawan mah ke aaghaz per Buttler ne Pakistan ke khilaaf 50 gaindon par century banai jabkay rawan saal feb mein 77 gaindon par 150 runs bhi bana chuke hain, yahi wajah hai ke Pakistani captain Sarfraz Ahmed ne bhi Buttler ko apni team mein dekhnay ki khua hush zahir ki hai .
Mark ne teesray batsman ke baare mein baat karte hue kaha kay agar steve smith aur David Warner mein se kisi ek ko behtar qarar dena ho to mein david warner ka naam lunga. David Warner ne IPL mein 12 matches ke douran 692 jabkay steve asmth ne 319 runs score kiye hain. rawan saal IPL se wapsi per world cup ki tayari ke douran warm up matches mein steve smith ne behtareen karkardagi dikhayi jabkay david warner behtar nahi khail sakay .
world cup 2019 ke liye teesray behtareen batsman David Warner ne 3 warm up matches mein 53 runs banaye jabkay steve asmth ne 278 runs banaye aur 2 matches mein not out rahay. wazeh rahay ke David Warner aur steve smith ne ball tampering scandal mein 1 saal ki pabandi ke baad IPL mein shirkat ki thi jis mein steve smith ki karkardagi se David warner ka muzahira behtar tha lekin England ke khilaaf warm up muqablay mein smith ne century banakar ahem event mein apni ahmiyat ko aur badha diya hai . –YTN STAFF