Muqami Aazmeen Haj ki aayindah hafta se online registration ka aaghaz
Saudi arab ki wizarat Haj vamrh aayindah hafta ke roz se mumlikat ke andar se muqami aur muqeem ghair mulki aazmeen Haj ki online registration ka aaghaz kar rahi hai. sunah 1439 h Haj season keliye mukhtalif companies aur Haj Tour Operators ke zariye online darkhwasten aayindah haftay se wusool ki jayen gi. wizarat Haj nay tamam companiyon ko sakhti se paband kya hai ke woh Haj ki tarweej aur ishtihari muhim ke douran aazmeen ke liye’ VIP’ ki istilaah istemaal nah karen kyunkay hukoomat ki taraf se tamam aazmeen ko masawi bunyadon par bulaa tafreeq services faraham ki jayen gi.’ Al Arabia dot net’ ke mutabiq wizarat Haj ka kehna hai ke muqami satah par Haj ki registration ke liye umomi programme, kam akhrajaat par Hajj aur Haj almaiyasar jaisay teen programat tashkeel diye gaye hain. har idaara ki taraf se Haj registration ke liye 93 fi sad ke tanasub se afraad ka chnao kya jaye ga jab ke makhsoos Haj kota se saat fi sad afraad liye jayen ge. wizarat Haj nay muqami satah par Haj tour operators companiyon ko sakhti se takeed ki hai ke woh Haj Services ke hawala se ‘VIP’ jaisi eslehaath istemaal karne se guraiz karen aur –apne ishtiharaat mein mubaligha aarai se ijtinab karen. har company aazmeen ki registration ke waqt apna sarkari registration number, licence number aur majaz tadaad ka wazeh alfaaz mein zikar kere.