Hyderabad : Wazeer transport, P Ajay kumar ne peer ko mutaliqa ohdedaron ko riyasat mein 100 feesad Buses chalanay ki hidaayat ki. RTC hadhtaal aur iske asar se mutaliq jaiza ijlaas ke baad, wazeer ne kaha ke ”chonke schoolon aur collegeon ko peer se khol diya gaya hai, hukkaam ko sabhi buses ko chalanay ke liye iqdamaat karna chahiye.
Wazeer transport ne kaha ”RTC hadhtaal 17 dinoun se jari hai, lehaza ohdedaron ko yeh dekhte ho ye mohtaat rehna hoga ke bus khidmaat ki Adam dasteyabi ke sabab logon ko kisi qisam ki takleef to nahi ho rahi hai. unhon ne kaha ke buses ki tadaad fori tor par badhaya jaye. Ajay kumar ne Depot managers se kaha ke woh bus khidmaat ko badhaane ke mansoobay par amal karen. –YTN STAFF