Nor Sultan ( Kazakhstan ):Hindustani star wrestler Vinesh Phogat ne 53 kilogram Zumra mein Tokyo olympic 2020 may rasai haasil karli hai aur woh olympic mein rasai haasil karne wali pehli hindustani wrestler ban’nay ka aizaz haasil karliya hai.
Tokyo olympic mein rasai ke liye unhon ne world champion ship mein Amrici hareef wrestler sara held brand ko shikast di. 25 sala hindustani wrestler ne world championship ke silver medalist Amrici wrestler ke khilaaf score 8-2 se kamyabi haasil ki.
Is kamyabi ki badolat Vinesh olympic mein rasai haasil karli hai. Vinesh ne is se qabal Ukrain ki wrester Youlia ko ba aasani 5-0 ki shikast di thi aur yeh 53 kilogram Zumra mein shandaar muhim ka behtareen aaghaz tha.
Sara aur Vinesh ke darmiyan muqaabla kaafi musabiqati raha kyunkay kam az kam 5 martaba sara ne Vinesh ke seedhay paiir ko qaboo mein karne ki koshish ki lekin oopri jism ki taaqat aur qowat ka sahih istemaal karte hue hindustani wrestler ne hareef ko khud par qaboo panay ka mauqa nahi diya.
Is kamyabi aur olympic mein rasai ke zimn mein izhar-e-khayal karte hue Vinesh ne kaha ke mein intahi masroor hon kyunkay ab mein Tokyo ja sakungi lekin kamyabi yahin khatam nahi hui kyunkay jo mauqa mujhe mila hai is mein medal haasil karne ki khwaahan hon. –YTN STAFF