Muzaffarnagar mein Servant Road ilaqa mein paish aeye dhamaka ke waqea mein Tazeem aur Shahzad ki barsar mauqa halakat. Do rahgir bhi halaak.
Muzaffar Nagar. Yahan aaj aik bhangaar ki dukaan mein hue aik dhamaka mein 4 afraad bashamool do rahgir halaak hogaye aur teen log zakhmi hogaye. Police ney bataya ke shehar ke Servant Road ilaqa mein waqay aik scrapshop mein dhamaka se wahan puranay samaan ko ulat palat karne walay 50 sala Tazeem aur 55 sala Shahzad barsar mauqa halaak hogaye. Superintendent of Police (city) Umbir Singh ney kaha ke deegar do mahlukeen mein do rahgir hain jin ki shanakht hanooz nahi hosaki. Dhamaka ke baais do rahgir zakhmi hogaye thay jo hospital mein jaanbar na hosakay. Mazeed teen log jo dhamaka ke waqt wahan se guzar rahay thay zakhmi hogaye jinhein hospital muntaqil kardiya gaya. Circle Officer Harish Bhadoria ney kaha ke dhamaka us waqt huwa jab chand log dukaan mein puranay samaan ko tod rahe thay. Police aur fire brigade ke ohdedar muqam e haadisa pahonch gay aur bachao kaam ka aaghaz kardiya. Police ohdedaron ney bataya ke muqam haadisa ko mohar band kardiya gaya hai aur us maaddah ka pata laganay ke liye jaanch shuru kar di gayi jis ke baayes dhamaka huwa. Police ke sarbarah Anant Dev ka kehna hai ke dhamaka Uttar Pradesh ke maghribi hissay mein waqay muzaffar Muzaffarnagar mein huwa, dhamaka ka sabab aur is ki noiyat ke baarey mein mukhtalif pehloun se tehqiqaat jaari hain, dhamaka time device se kya gaya ya is ki wajah kuch aur thi abhi is ki tasdeeq nahi kar satke taa hum dhamaka shadeed noiyat ka tha jis ki awazz kai kilometer tak suni gayi. Anant Dev ka kehna hai ke dhamaka ke maqam se khoon alood hathora aur iskaro driver mila hai jis ki bunyaad par gumaa noon hai ke dhamaka kisi cheez ko tornay ke douran huwa.